The Hunt Coffee & Roastery

Wong Wai Sum 1 個月前

高質融和菜驚喜之作！ 首先，店內空間感極足，牆上有好靚的油畫， 有梳化位，同時亦提供寵物友善空間。店員其實都好親切都會介紹吓有咩特別嘅菜式。 Mango crab meat salad 芒果蟹肉沙律： 整體帶點酸酸甜甜的泰式風味，非常開胃。蟹肉份量比得大方，搭配超甜的芒果，幾好！ Slow cook “char siu” clay pot risotto 慢煮叉燒意大利飯： 竟然用上港式煲仔飯的瓦煲上枱！厚切港式慢煮叉燒同意大利飯的結合毫無違和感，叉燒質地軟腍，外層煎得微微焦脆，勁有驚喜！ Slow cook lamb rack慢煮羊架：羊香味十足，最驚喜既是隨碟附上的白色醬汁，試一啖先發現竟是腐乳味，搭配羊肉勁有新意！連配菜都專登焗脆啲菇類，好似薯片咁，成套菜好有心思！ ！ Lemon Buzz：將蜜糖檸檬與凍咖啡融和，酸甜適中，解膩又提神。 Signature Tiramisu：作為甜品結尾堪稱完美！手指餅吸飽了濃郁酒香的咖啡，Cream香滑不膩，打卡拍照亦都是一流。 整體而言，每道菜都能感受到大廚的心思。餐廳環境安靜舒適，距離地鐵站僅約5分鐘路程，非常適合情侶約會或全家大小來享受一個悠閒的午後時光，大推！！

Panda Ching 2 個月前

觀塘有間隱世cafe，Menu款式都幾特別，未必可以喺其他餐廳搵到。空間幾寬闊，環境舒服，一大班朋友聚會都容納到。 Slow cook "char siu" clay pot risotto Duck breast tom yum spaghetti Hunt signature tiramisu Turin spicy chicken wings Lemon buzz Green tea latte

Apple Apple 2 個月前

M芒果沙律好fresh! 甜薯唔係好多餐廳有，必食！佢加左少少辣味調味粉，甜甜地又辣辣地，又幾爽！雞翼都唔錯，好多只，食完已經半飽。 主菜係「煲仔叉烧飯」！我地一致認為好值得試，唔係出面嘅肥叉燒，有少少似豬頸肉，唔肥又燒得岩岩好，配上好特別嘅牛油果飯好掂！ 甜品都好好食，呢個Tiramisu真係出面兩倍大有多，好似成個蛋糕咁上黎好驚喜。正宗意大利Tiramisu，入面有少少酒，食落層次好豐富。

k pm 2 個月前

甜品全場最佳 ▫️Hunt Signature Tiramisu 招牌提拉米蘇 🌟🌟🌟🌟🌟 絕對係全晚MVP！酒香溫柔唔苦澀，每一口都軟糯綿密，甜而不滯，鍾意tiramisu嘅朋友一定要衝。 Cream Brûlée 法式焦糖燉蛋 🌟🌟🌟🌟 經典永遠不出錯！蛋奶香濃厚醇厚，甜度調控得好好 ▪️Turin Spicy Chicken Wings 都靈辣雞翼 🌟🌟 5係好juicy ▪️Black Cod 黑鱈魚 🌟🌟🌟 魚身醬汁配埋糯糯嘅藜麥南瓜醬，魚肉嫰滑 ▪️Slow Cook "Char Siu" Clay Pot Risotto 慢煮叉燒煲仔燉飯 🌟🌟🌟🌟 有新穎值得一試 西餐版叉燒煲仔飯真係破格好食！慢燉嘅叉燒軟糯入味，燉飯吸盡芒果同菠菜醬嘅鮮香，飯身綿密掛汁

Chan Faye 3 個月前

估唔到有驚喜喎！ 放工攰攰哋，想搵間精緻餐廳坐低chill吓。餐廳走現代工業風，加上柔和的燭光同好寬落的枱，一秒鐘心情變好！終於可以慢慢歎返個晚餐啦，而且都有幾個驚喜添！ Slow Cook “Char Siu” Clay Pot Risotto 厚切叉燒外層充滿晶瑩的蜜汁，咬落去肉質軟嫩，仲好juicy。最驚喜係用咗菠菜汁嚟煮的綠色燉飯，飯粒吸飽了濃郁的湯汁，味道豐富，口感煙韌，好味！上面仲灑咗芒果粒，酸甜果香平衡咗叉燒的膩感，層次極為豐富。 Angus Ribeye 點咗medium rare的安格斯肉眼，表面帶著誘人的炭烤焦香，裡面的粉紅色澤夠晒鮮嫩。牛扒上面放咗烤大蒜同新鮮迷迭香，濃郁香氣滲透入肉。炸薯條外脆內軟，灑上了微微的香辣粉，是具水準的主菜。 Lemon Buzz 另一個驚喜之作，用馬天尼雞尾酒杯盛載，表面搖出了一層綿密細緻的泡沫，並用檸檬皮作裝飾，外觀夠儀式感。杯邊灑上一圈盬巴，入口迎來鹹香且清新醒胃的柑橘酸香，隨後而來的是咖啡深邃的烘焙回甘，是一杯濃縮咖啡同檸檬的酸甜完美融合，非常適合夏日享用。 Hunt Signature Tiramisu 頂部鋪滿了香濃的可可粉與巧克力碎，裝飾上一片烘乾的橙片，再加上奶油層層疊起，賣相十分吸睛。食落去口感綿密滑順，充分吸收咗咖啡同酒香，而且濕潤度剛好，好食到停唔到口，為這頓晚餐帶嚟獨特的變奏。