越僑快餐店 Vietnam Fast Food

Winco Lo 8 個月前

中午去長期多人，建議過咗高峰時間去食，落單快，食物質素高，性價比高，中環午餐首選

Lemon Grace 1 年前

呢日一個人嚟到中環，自己去完中環街市之後，想喺附近搵嘢食，用openrice附近餐廳功能而搵到呢間餐廳，餐廳就喺中環街市對面，不過隱身喺小巷之中嘅盡頭。 11點幾來到，已有兩枱客，餐廳內唔算大，只有十張枱左右。 有個餐牌係星期一至五都有5個特別lunch set，以為星期六日係冇，點知星期六日係可以成個餐牌25款任揀，仲正。 價錢五六十蚊，算正常價錢，有包熱飲。 另外白板上寫咗幾個餐，聽隔離枱叫，叫親都話冇，原來白板上寫咗嘅餐係售罄，真搞笑，之後店員再寫返。 我揀咗炸蝦餅香茅雞翼湯河，本身係撈檬，轉湯河要加$3，如果轉金邊粉又要再加，我就冇加了。 個湯底嘅味都唔錯，蝦餅雖然浸咗落湯入面，都仲有少少脆，香茅雞翼都好香。 店員服務態度都唔錯。

foodalog 1 年前

🇻🇳中環性價比高既越南小店-越僑 雖然位置有啲隱蔽，座位唔多，但都唔可以阻擋小編為食既心❤️ 🍜越僑喇沙摻摻 魚旦、蝦🍤、雞蛋、豆卜，結合了喇沙的濃郁湯底加埋摻摻："油麵＋米粉"的獨特口感，值得一試。👍🏻 🐮生牛肉牛柏葉湯河 牛肉上碟時半生熟，牛肉嫩滑，湯底鮮美，牛柏葉爽脆，每啖都鮮甜可口！😋 🍲乾炒牛河 鑊氣十足，牛肉嫩滑，河粉彈牙，調味恰到好處。 🧈 牛油雞翼： 炸得香脆可口，皮脆肉嫩又能夠保留肉汁，牛油香氣十足！ 佢店面比較細/逼，唔可以坐得 ，但外賣單冇停過 ，足以證明性價比同好食程度! ‘-‘-‘-‘-‘-‘-‘-‘-‘-‘-‘-‘-‘-‘-‘ 越僑 📍地址 : 中環租庇利街鐵行里12號地舖 🏰環境: 6/10 🙇🏻‍♂服務: 7/10 💰價位: 低價 ⏰用餐時段: 午餐 ‘-‘-‘-‘-‘-‘-‘-‘-‘-‘-‘-‘-‘-‘-‘ #為食控 #hkfoodie #hkfoodalog #hkfood #foodiehk #食好西 #人氣美食 #牛油雞翼 #喇沙摻摻 #中環 #性價比

Leung Will 4 年前

中環下午茶，平靚之選！ 下午茶大胃王之選，集合了多種材料的大碗飯，雞翼好味，其他料可以，飽足，這份量，這價格在中環冇投訴。

April Lau 5 年前

上班族的不頹餐 今日中午想吃一個快餐。 位置：在鐵巷里的盡頭，旁邊新開張了一間串燒店，與兩旁的食店與別不同。 環境：普通茶餐廳的裝修，不要有期望。 服務：我點叫外賣時已經過了1:30，不是繁忙時間，但我自取外賣都需要十分鐘以上，我以為是快餐，但其實是慢吞吞。 午市：香茅豬扒扎肉湯檬$48（送熱飲） 外賣包裝分開湯和檬粉，所以不會浸軟檬粉，豬扒已切開，並提供辣椒和青靈調味，熱辣辣的湯水很濃味，有冬瓜粒，檬粉幻身易斷，不方夾起，而且不掛湯，最好吃是豬扒，厚身經油炸，不油膩，重香茅味，扎肉完全沒什麼味道，整個湯檬不過不失。 熱朱古力 好喝，甜度剛好！