喜萬年酒樓

Adrian Leung 1 年前

我已經有一段時間沒有幫襯, 點心水準仍然不錯, 蝦餃和叉燒餐包好大件.燒腩仔亦大碟！

We Wa 上次編輯：10 個月前

誠意推薦俾各位 唔信自己去試吓 午市近兩點到，落單不夠5分鐘上枱，芋角、腸粉凍嘅，鮮竹卷、柚皮鴨掌、豬腳畺就煲仔上激熱，其他叉燒包、素粉果，普通，不用特登去。 收碟就最勤快，有件點心仲係個籠度，問都唔問就收咗去。 未夠三點就嚟叫埋咗張單先，埋咗單先嚟同你換碟，真搞笑。 唔係熟客就唔建議貼錢買難受。

饕餮 上次編輯：1 年前

整體食物唔錯，尤其是最鍾意鹹蛋叉，鹹鹽燒牛脷，同埋皮薄又脆嘅燒乳鴿，加上好多料嘅湯。

Golden Sesame一心 1 年前

例牌叫咗春卷，春卷炸得個皮好脆，都幾好食。蝦餃真係出色，內涵嘅蝦有好多隻，好足料，咬落彈牙，味道調得剛剛好，個皮又好薄，新鮮出爐，熱辣辣好好食。馬拉糕整得唔係好甜，個糕亦好有彈性，好好食。山竹牛肉球，牛肉球咬落入面唔會話有啲根咁咬唔爛，整粒都琳琳滑滑咁，個味亦調得啱啱好，值得一試。見到隔籬枱叫左個金黃色好大籠嘅食物，賣相好吸引，所以就跟住你叫咗一個，佢係花膠栗米蒸蝦滑，好大籠，花膠好大塊，蝦滑好多，粟米又好甜，好好食。好耐冇食鍋貼，叫咗一碟，煎得唔夠香脆，但涵料就好足，食一個都好飽 。

alan leung 2 年前

他生於一九七二，原在金鐘，後遷灣仔英皇中心地庫。其實是有點名望的老店，我還是首次光顧。 二人行，只點兩道家常菜：沙爹牛肉炒芥蘭，鑊氣遠勝尋常酒家，蘭遠削去翠皮成玉段，沙爹不見蹤影卻已味沾牛肉片。漁香茄子煲，惹味不過火，底執煎腸粉，軟滑索汁。 壽桃包是最便宜甜品，老式做法，沒塞滿蓮蓉，也非原隻流油鴨蛋黃。沒關係，小時候吃的就這樣。 童年回憶湧上，剛巧少年時代紅人葉子媚姐姐進場，年輕感覺返晒嚟。 我的九十年代，唱K、賽馬、騎單車、呆海灘，生活簡單，卻是人生美好時年。 往事能回味，未來可期盼。 祝大家如店號：喜萬年！ 佳節快樂！