新泰東南亞餐廳

fufu eat 2 個月前

超滿足高質東南亞風味泰式盛宴🥰 尖沙咀竟然有間裝修咁靚咁華麗嘅泰國菜！！即刻約朋友嚟試😍😍食泰國菜一定係同成班friend一齊share 先最正！呢度環境幾有氣氛，而且環境闊落座位都好大，坐得好舒服🥳 我哋lunch Time嚟叫咗個二人餐😍😍超抵食！！ ✨ 二人餐：炸春卷 呢個炸春卷送到嚟熱辣辣係啱啱炸好！外皮炸到超級酥脆，咬落去喀滋喀滋聲，入面嘅餡料好足料，好好味🤭！ ✨ 二人餐：泰式青咖喱 配 印度酥餅 呢個配搭真係一流😍 個青咖喱汁味道超香而且超級入味，椰香味好濃郁，攞塊煎到金黃酥脆嘅印度酥餅點埋啲咖喱汁一齊食，真係超正👍🏻！ ✨ 二人餐：馬拉盞通菜 師傅炒得好有鑊氣，一上枱就聞到好香嘅馬拉盞味，辣辣地非常惹味，而且通菜仲保持到翠綠爽口，非常解膩！ ✨ 串燒（6串）$108 有齊雞、牛、豬三款口味，一上枱就聞到好香嘅燒烤味！串燒燒得啱啱好，肉質好嫩，一啲都唔韌！！點埋佢哋特製搭配嘅沙爹醬，味道真係勁夾🫶🏻 ✨ 燒豬頸肉 $98 一見到就覺得色澤好靚✨ 肥瘦分布得好平均～ 邊位燒到帶點焦香，食落肉質爽口彈牙，點埋佢哋附送嘅酸辣醬汁，感覺真係超Fresh🤪！ ✨ 泰式明鱸魚 $228 上到菜嘅時候大家都嘩一聲，個擺盤同賣相望到已經勁有食慾！條鱸魚非常之新鮮，肉質好滑好鮮甜，個酸辣汁越滾越入味，越食越過癮！ ✨ 麵包焗咖喱軟殼蟹 $248 軟殼蟹份量多又惹味，炸到外脆內軟。最正係個大麵包索晒香濃嘅咖喱汁，連埋軟殼蟹一齊食，口感豐富到不得了😍！ ✨ 瓦斯菜肉碎炒河 $75 同樣炒得好有鑊氣，肉碎份量幾多，最緊要係河粉夠晒彈牙，完全唔會煮得太腍，調味啱啱好，非常推薦！ ✨ 跟餐加配咸檸檬七喜（2杯共$16）＆ 椰汁冰（$8） 呢個二人餐嘅加配價真係超級抵！嘢飲酸酸甜甜，冰涼解渴，同熱辣辣嘅泰菜真係超夾！ ✨ 芒果糯米飯 $78 用呢個經典甜品做完美句號！芒果超甜，個糯米飯非常之煙靭，重點係上枱時個溫度仲係暖暖哋，加埋椰漿食真係超好味😍 食完一啖又一啖🤣🤣 總結呢度嘅東南亞菜算係高質又滿足👍🏻 不得不讚職員嘅上菜時間都好快🥰 可以即刻食到自己想食嘅食物😋 終於食泰國菜不能錯過😝

Pom Pom 2 個月前

同阿媽出街食飯，揀咗間泰國菜，環境幾舒服，冷氣夠涼，最緊要係坐得鬆動，可以慢慢傾。 🦐 冬蔭功（細）：兩個人分啱啱好，酸辣味溫和唔嗆喉，蝦肉爽口，飲完成個胃暖晒，好開胃。 🐑 青咖喱羊架（七成）：羊架冇羶味，肉質軟腍，青咖喱汁香滑帶甜，撈飯一流，賣相乾淨企理。 🍜 泰式蝦炒金邊粉：乾身有鑊氣，蝦球大粒，配花生碎同辣椒粉一齊食好香口，份量足。 🥥 泰國椰青：清甜冰涼，啱晒解辣，刮埋入面啲椰肉食，口感軟滑。

Jarvis Lam 2 個月前

尖沙咀加拿大分道新泰食泰菜，體驗好好！環境寬敞舒服，食物份量好足。 必點「泰式柚子蝦沙律」，酸甜解膩果肉多汁；「串燒 6 串」有齊雞牛豬，香口入味；「泰式蝦炒金邊粉」炒得夠火候，蝦肉爽口；「飛天通菜」要求走辣依然保持到香脆，非常貼心；最後叫埋「芒果糯米飯」作結，糯米香軟芒果甜！上菜快、服務好，尖沙咀食泰菜首選！

Appleid Usa 3 個月前

呢間嘢都幾多嘢食 馬拉盞炒通菜炒得好有鑊氣，菜身保持到翠綠，送飯一流。🤤 泰式燒春雞釀香茅黃飯 成隻雞上枱，外皮燒到金黃亮澤，薄薄一層仲帶點雞油香。切開入面，啲香茅黃飯索晒雞汁嘅精華，飯粒分明，滲出淡淡嘅香茅清香 越式蟹肉炒粉絲 粉絲好彈牙，配埋啲蟹肉、生菜絲、蔥段同埋炸蒜，層次感好豐富。蟹肉嘅鮮甜味滲入咗粉絲入面，食落清爽得嚟又有驚喜🦀 串燒羊肉 燒得火候啱啱好，外層帶點焦香，肉質仲保持到軟嫩。香料味調配得幾好，遮蓋咗羊羶味但又保留到肉香，點埋特製醬汁，層次感提升咗唔少🍢🐑

Woody Sylvan Tse 3 個月前

喺尖沙咀加拿分道新泰東南亞餐廳食泰國菜真係好有驚喜！一入到去已經被裝修吸引住：店內用咗好有質感嘅設計元素，同時又帶點泰式風情，影相位多到唔知點樣影先好。環境感覺舒服唔迫人，燈光同座位都幾到位，跟住就可以安心大快朵頤。服務方面亦好到位，落單、上菜節奏都幾順暢，職員態度友善，整體用餐體驗好穩陣。 今次我哋叫咗虎蝦兩隻，肉質鮮甜有彈性，食到停唔到口；再加上串燒六吋，雞、牛、豬三款一次滿足，醬汁入味、香氣濃郁。小食同主食都唔少得，泰式柚子蝦沙律酸香清新，去到中和咗燒烤嘅濃郁感；泰式菠蘿炒飯粒粒分明，微甜微酸好開胃。最後仲飲咗一杯椰汁冰，味道順滑又解膩，完餐超滿足。 整體計人均消費都唔使300蚊左右，性價比真心高，想食泰菜又想有氣氛，呢間值得再訪。