忠哥叉燒皇

Ching Long Leung 2 個月前

太子燒味實測對比｜忠哥叉燒王真心抵讚，永合隆只餘空有名氣 今日行經太子，照例走到新榮記地下嘅忠哥叉燒王開餐。呢間鋪我每次過來都一定幫襯，講到叉燒，喺我心中絕對係Number One水準。肉料揀得講究，屬於頂級質素，蜜汁滲透肉裡，入口嫩潤多汁，鹹甜平衡恰到好處，食過一次就難以忘懷。 飽餐過後，順路行去隔離大名鼎鼎、好多明星捧場嘅永合隆。我最後並無入內幫襯，皆因一早明白，呢間鋪只係浪得虛名、有名無實。 單單站在門外望向櫥窗，已經見到端倪：櫥窗擺放嘅叉燒乾巴巴，燒肉質地睇落鞋韌、欠缺油潤；連燒雞同樣乾身，表面僅僅得一層外觀光澤，根本唔似新鮮出爐。更加刺眼嘅係，成間鋪頭冷冷清清，店內連一位食客都見唔到。 反觀忠哥叉燒王，長期坐滿食客，不斷有人落單外賣，旺相十足，兩間鋪頭景象形成極強對比。 坊間一直流傳，早年永合隆重金邀請無線藝人幫手宣傳造勢。屋企人講嘅一番說話，我十分認同：往往生意支撐唔到，先需要依靠明星效應包裝自己。 只憑櫥窗擺放嘅燒味賣相，已經足以令人卻步，完全提唔起食慾。好多人都好奇，為何評價參差、實貨睇落欠佳嘅店鋪，可以維持營業咁多年。歸根究底，依靠多年累積下來「明星食店」嘅標籤，持續吸引慕名而來嘅遊客。 真正好食嘅燒味，從來唔需要大量明星廣告加持。食客味蕾最真實，味道穩定、用料足，自然會長期捧場；單靠名氣包裝，貨不對辦，始終留唔住本地人。以今日所見，永合隆確實稱得上空有招牌，令人失望。

袁誠鴻 3 個月前

對一位平常只有機會接觸到燒鴨的台灣客人，忠哥叉燒皇提供肥美香脆的燒鵝腿飯，口感極佳，份量十足，熱炒的菜餚也是鍋香味十足，進店裡還免費提供一碗陳皮鴨肉湯，誠意滿滿的一家餐廳，每次來香港旅遊一定要來光顧！推薦給喜愛港式燒臘的朋友們👍🏼

Matthew Ming 4 個月前

叫得叉燒王梗係要試佢嘅叉燒。點咗叉燒煎蛋飯配熱奶茶，店員問我要唔要湯我就老實唔客氣要咗碗。 碗湯充滿濃郁嘅味精，建議可以慳返。叉燒煎蛋飯份量合理，叉燒有啲燶邊幾吸引，食落口出奇咁腍，其實係有啲太腍，如果可以做到鬆化但係唔係咁腍會更加好。調味有啲太甜，蓋過咗叉燒應該有鹹味。其他嘢就正常，埋單$55。 中午時間餐廳好多人，座無虛席，一個人都有機會要等位。另外餐廳衛生情況唔太理想，牆身有明顯嘅發霉位。

HM Yu 7 個月前

叉燒、腩仔、燒鵝都有水準之上，各式菜餚口味也很不錯，上菜速度快，用餐環境舒適明亮。

booboo sasa 11 個月前

忠哥叉燒出名淋滑，蜜味濃。其實炒麵都有一手，麵底脆卜卜，再淋上銀芽肉絲及芡汁，非常滋味。此店非常貼心，每次下單後都會端來一碗有料例湯供客人濕吓口。