竹園海鮮飯店

Jimmy Lee 上次編輯：7 個月前

住喺附近咁多年，今次係第一次。實在覺得走哂寶。厨师的確有料到。每道菜都真材實料，非常美味。嗰煲杏汁猪肺湯，簡直天下無敵！冇飲已經聞到濃郁嘅杏仁味。一啖落口，即時‘’嘩‘’聲！白湯絲滑，杏汁濃郁過食杏仁露。啲猪肺腍度啱啱好。足料湯渣仲可以當一道餸。簡單嘅蒜蓉豆苗都炒得非常可口。仲有糯米飯，OMG! 仲未完！附送嘅甜品，又係一流。啲甜品直頭比美外面一流嘅糖水舖。老板侍應非常有禮貌又有服務。總之，有賓至如歸，食得開心，使錢舒服嘅感覺！

dermacol hk 9 個月前

星期日的1:15，有位，點心沒什麼驚喜，反而XO醬真材實料，好正👍

Alice C 1 年前

以前係跑馬地竹園海鮮飯店嘅熟客 一個月都會去一次食海鮮 服務好 雖然價錢就一向唔清晰算啦海鮮價預左但服務好 出品正就經常去。自跑馬地分店關門，失望嘅，上環有分店就試下啦。 但今日真係令人失望。上網見人劣評都無太在意，其中有mention亂收費。結果到發生自己身上，真係唔信都唔得。埋單發覺計多隻豉油雞，當然無點過，即時減返3百幾蚊。真係純唔小心寫多左？ 作為曾經嘅熟客 真係幾失望。平時好少特別對單 而且又係老店 真係唔知道會咁鬼鼠。呢度好多都係聚餐 公司客都多，睇少眼都唔出奇。但如果因為咁搏懵 都幾睇唔起此操作。 且，以前跑馬地都會好好服務問食咩糖水。依家，你唔問佢又唔講 且，好嘈，真係好嘈嘅用餐環境。 唉。明白d人北上消費唔係全部因為價錢。人均500+究竟應該如manage expectation

ip celia 4 年前

是價錢屬中檔的飯店，面積不算大，但都可令人坐得舒適。點心好新鮮，好夠熱，可能未到最忙時段，厨房出食品都好快。食品味道不錯。春風得意陽粉用新鲜炸好的鲜蝦春卷做饀，好脆，好少吃到有少少燙口的腸粉。 鯪魚球亦外脆內熱。豬手烹煮時間控制得很好不硬不淰。雪耳桂花糕很香桂花，雪耳很有口感，椰汁馬荳糕就覺欠了椰汁味，薑茶湯丸薑茶好夠薑但不夠甜，湯丸好夠熱，芝麻饀好香。

Chan Mars 上次編輯：2 年前

新搬和新装修，點心即做質素高。 這裏的厨房出品有大厨的質素，味道不會太鹹。例如灼菜心不太油，但菜味有。 今次試這店的义燒包，包皮不會太甜，包汁味道剛好，有义燒薄片㗎。海鲜粥加波菜，菜苗和粥底清淡，好，稀结適中。牛肉球味道ok。