扒王之王

美淳 3 個月前

我叫5成熟西冷，員工聽錯幫我落左7成熟。 同我解釋話上台果陣5成熟，上到黎因為鐵板令到塊牛扒變7成熟。。。。咁你一開始唔上3成熟？ 最終塊牛扒柴到。。。 大佬阿，你收加1嫁。。。咁既價錢。。咁既服務。。咁既吃物品質。。。好意思叫扒王之王。。。大快樂都好過你。。

AngeL Cheng 4 個月前

扒王之王旺角店 員工態良好 招呼友善 晚上套餐 有白湯或紅湯選擇 有是日沙律 主表食我叫左他們的黑毛豬拼魚柳跟薯條 首先待應先黎沙律 沙律不太好吃 菜略嫌放在冰箱太耐 第二上左白湯 個湯略嫌比較鹹 第三上左鐵板主食 黑毛豬扒肉質尙可 炸魚柳比較散不太好吃 薯條略嫌太幼 跟餐洋蔥汁還可 飮品後上 我叫左凍奶茶少少甜多奶 凍奶茶略嫌比少甜再甜 奶茶有苦茶味 環境是不錯 坐位舒服 是否再光顧 我應該未必再光顧 食物麻麻地

ykalok_foodie 4 個月前

扒王之王 (旺角) 雖然呢間野係好多人的舊時鋸扒回憶，但質素完全唔ok！我唔會再食🙂好似唔知食左啲咩咁拜👋🏻 🔺鐵板牛柳拼香煎比目魚 $148 -餐湯：白湯 個湯杰撻撻又冇乜味 -跟餐煙火雞沙律：醬汁食落似陳醋定甜豉油味，唔啱我口味 -牛柳我嗌五成熟，上到黎切開全熟既，韌到呢🤬 -比目魚食落有少少腥味😩 -意粉就係白灼個啲，淋啲黑椒汁叫左有啲味囖 -跟餐凍奶茶：好似飲緊一杯甜水一樣，好少茶味🥴

Carly Ip 5 個月前

扒王之王，一個熟悉的名字。已經多年沒有光顧，突然心血來潮，又想試試現在的水準如何。我不吃牛肉，選了鐵板蒜蓉鴛鴦扒，即雞扒加豬扒。兩片大碼扒，又大又厚，雞肉嫩滑，豬肉軟腍。滿意，若然人在餐廳附近，可以再光顧。

Trendy Lam 6 個月前

喺旺角嗰頭做完嘢，諗住食返餐好嘅慰勞吓自己。見到「扒王之王」個招牌，諗起以前細個都有食，但係已經全線結業咗一段時間，無啦啦又重開，咁我就上去一探究竟啦。上到去，都好似啲樓上西餐廳咁樣，有少少別有洞天嘅感覺，令我都有啲期望咁喎。 我好清晰咁同侍應講咗要 $168 嘅「澳洲肉眼牛扒」五成熟，跟「薯菜」，我相信都係一個好 common 嘅選擇，結果佢落單嗰陣同我落咗「鐵板香煎紐西蘭羊扒」配「淨菜」。好彩個五成熟同蒜蓉汁都係啱嘅，不過配菜就得返啲粟米，冇得睇吓啲薯條點。 個餐仲有「煙火雞沙律」同「是日餐湯」，揀咗「忌廉湯」，兩者都係正正常常，冇乜特別，不過我記得以前食，係有埋餐包嘅，算啦。羊扒價錢都係 $168，加埋一就 $185，如果我嗰陣唔係因為之後又有嘢做所以趕時間，可能會叫佢換返西冷扒，失望啲。