Bubble Tree

Sonia 4 個月前

這間餐廳的黑版畫也非常特別，充滿了心思！每個客人用餐時也非常開心，整個店鋪充滿了溫馨的氣氛😊😊😊💌💌💌 💌蟹籽蘆筍，煙三文魚伴香蒜橄欖油意粉 💌經典肉醬意粉（不含牛肉） 兩個意粉也是健康之選少鹽少油非常有益，味道也非常適中！非常適合減肥和喜歡健康的人士 低糖低脂之選 紫薯湯和南瓜湯也非常好味🤤 烹飪得非常有水準，沒有任何添加劑，也沒有任何味精！老闆說是自家製作的，用新鮮紫薯和南瓜造成的 💌水牛城雞中翼六隻 雞翼也非常健康，沒有非常油膩的感覺，有少少酸少少辣的味道好入味！ 💌提拉米蘇 Tiramisu 也是老闆親手製作的! 非常特別，軟硬適中 與其他店鋪的提拉米蘇有所不同，絕對是自家制的產品

Ada 7 個月前

店內裝修環境舒適 仲有塊黑板，係店主親手繪畫既😳👍 另外食物賣相都好靚📸而且仲好好味💯 📙Menu都設計得好靚👍店主真係好有心🩷一定要支持下🥰 🦪藍青口 蒜香白酒忌廉汁意粉🍝 擺滿半碟嘅 #藍青口 🤤打卡必叫👍 Creamy忌廉汁➕香口蒜香~好夾好好味😋👍👍 🍔山賊黑椒燒雞扒煙肉漢堡🥩 超厚雞扒，啖啖肉🤤 漢堡包好鬆軟，配埋特製醬汁好加分💯 🍗水牛城雞中翼🌶️ 甜甜酸酸辣辣好開胃😍 而且炸到外脆內嫩，好Juicy👍

Serena 7 個月前

【Bubble Tree｜觀塘工廈嘅隱世西餐】 觀塘成業街嘅工廈成日都藏住驚喜，Bubble Tree就係其中之一。星期六lunch time過嚟，唔使等位，環境簡約舒服，適合同朋友慢慢傾偈。 👨‍👩‍👧 兩大一小．食咗$304 🍔 瘋狂芝士日本飛驒牛漢堡 漢堡扒用日本飛驒牛，肉味濃，煎到剛好有肉汁。面頭鋪滿芝士，邪惡度滿分。漢堡包烘過，外脆內軟。伴碟薯條新鮮炸起，夠脆。 🍝 經典肉醬意粉（加大） 特別一提，佢哋嘅肉醬用咗混合豬肉及雞肉，冇用牛，口感比傳統肉醬輕盈，雞肉令味道清少少，但又唔會覺得寡。意粉煮得al dente，掛汁力強，醬汁酸甜平衡，小朋友都食得好開心。 🥣 紫薯湯 紫薯味濃郁，質地順滑，飲落有自然甜味，幾特別。 🥗 田園素菜沙律配牛油果 沙律菜新鮮爽脆，牛油果夠熟，配黑醋汁清新開胃。 🧇 雪糕窩夫 窩夫外脆內軟，雪糕冰凍，窩夫熱辣，冷熱交織，簡單但滿足。 ☕ 凍鮮奶咖啡（加碎曲奇） 咖啡味唔會太淡，加咗碎曲奇口感幾得意，甜度剛好。 🍋 凍檸檬茶（走甜） 正常發揮，茶底唔澀，夠解膩。 🍰 Tiramisu 最後上，手指餅濕潤度剛好，mascarpone幼滑，咖啡酒香有層次，為晚餐畫上完美句號。 — 整體嚟講，食物有心思，尤其係肉醬用雞豬配搭，食得出同一般餐廳嘅分別。價錢合理，份量足，係觀塘工廈區嘅穩陣之選。 #BubbleTree #觀塘美食 #工廈餐廳 #飛驒牛漢堡 #手工意粉 親子聚餐 📍觀塘成業工業大廈2樓27室

kit ying 上次編輯：8 個月前

平價Cafe，環境舒適，茶水全自助，上菜速度很快 前菜：牛油果沙律＆薯仔沙律，配黑醋酸甜開胃 主食：肉醬意粉普通，最大扣分位係唔夠熱，上菜無耐已經凍哂 大啡菇雞肉配南瓜汁意大利飯，口感Creamy，大啡菇多汁，雞肉嫩滑 飲品：玫瑰鮮奶咖啡，咖啡香滑但玫瑰味唔出

Anthony Mak 10 個月前

兩個人星期六下午大約兩點去，餐廳冇乜人。餐廳要QR code落單，但俾錢嗰下可以揀網上付款(不包括Apple Pay)或者櫃位俾。我哋點咗個雞肉南瓜risotto 同埋肉醬意粉(加大+HKD 6)，跟餐加前菜牛油果沙律同埋西蘭花薯仔沙律，一個餐加咗個南瓜湯，飲品係凍檸茶少冰同埋玫瑰latte。 佢上菜好快，10分鐘唔夠就已經上曬所有嘢。risotto 做得相當好，雞肉係煎過幾香，同南瓜個甜味好夾；意粉真係出曬事，竟然係暖嘅，但食落都正常味；沙律就正常發揮，個薯仔沙律幾好但我肉眼就睇唔到有西蘭花；湯都幾好味但有係唔夠熱；檸茶就冇咩特別，但個咖啡係意式底加玫瑰，幾清新。 侍應反應快，但水、紙巾同餐具都係自助，啲水有陣油味怪怪哋，同埋裝修偏暗，但工廠風格可以理解。埋單連加一大約198，如果啲嘢夠熱會好啲。