Coffee Art

Twins Foodie Diary 2 個月前

同朋友去咗觀塘東廣場嘅 Coffee ART，本以為只係普通Cafe，點知環境同嘢食都有驚喜 呢間 Cafe 喺東廣場地下，門口用咗水泥灰配木質地台，帶點簡約嘅工業風。店內燈光柔和，配埋幾舒服嘅沙發位，喺繁忙嘅觀塘營造到一個無壓迫感嘅空間，好啱同朋友坐低傾偈 Menu 選擇都幾多，有主食意粉小食甜品，惠顧主食意粉餐會包杯熱柚子蜜，可以以優惠價升級飲品同同加配小食甜品，我地食到成枱嘢唔洗$200一個人！ 🥢明太子醬燒鮮三文魚飯 三文魚扒煎到金黃色，外皮微脆，入面嘅魚肉仲保持到粉嫩多汁，魚油香氣好正。鹹鹹甜甜嘅明太子醬另外上，以沙律醬作基底，同三文魚嘅鮮味夾，配埋清新嘅黑醋沙律菜，成碟飯好惹味 🥢印度蕃茄咖哩•配牛肉粒 咖哩嘅香料味好豐富，番茄嘅微酸令到個汁好開胃，完全唔會覺得膩。咖哩汁質地濃稠，用嚟點薄餅一流，令人一啖接一啖咁食，鍾意濃郁香料味嘅朋友可以一試 🥢小食拼盤 拼盤有炸雞翼、薯餅、炸雞同埋炸天婦羅魷魚，炸物炸到金黃酥脆，入面依然有肉汁，油份控制得幾好，唔會成口油。點埋泰式辣醬食，香口又惹味，絕對係同朋友吹水必點嘅小食。 🥢焙茶芝士蛋糕 蛋糕質地算幼滑，焙茶嘅回甘茶香相對較遜色，芝士嘅奶香較出，加埋底層微鹹香脆嘅餅底，整體甜度適中 🥢Yellow 特飲黃咁好吸睛，飲落係好清新 嘅熱帶水果熱情果酸甜味，配埋梳打水嘅氣泡感，加上薄荷葉嘅清香，熱辣辣嘅天氣飲一杯真係夠晒消暑 🥢Sea Salt Chocolate 熱朱古力拉花好精緻，飲落絲滑又香濃。最正係落咗海鹽，微微嘅鹹度反而帶出咗朱古力嘅深層甜香，重點係無糖❗️令到成杯嘢飲層次提升咗，暖笠笠好治癒

Coey Cheung 2 個月前

[觀塘🚫免加一cafe☕️・Coffee Art] 觀塘工廈以外, 🪄另一臥虎藏龍之地 - 東廣場 今次發掘咗間Cafe 全日免加一❣️ 🌟主打西式餐飲, 扒類意粉及咖啡蛋糕🍰 環境舒適帶點工業風格, 原來將軍澳都有分店～ ✧ 香煎蒙古小羊西冷 $145 ✧ 🐑羊西冷比較少見, 意外地高質又幾好味♡ 香煎至五成熟, 肉質粉嫩juicy💗 配黑醋沙律菜(大量), 可揀薯條/飯 ✧ 鹿兒島黑豚豬肉眼 $145 ✧ 🐷豬肉眼脂肪分布均勻 瘦肉位會有少少乾, 肉質細嫩甘甜 ✧ 鐵板蒜香牛肉粒 +$68 ✧ ♨️鐵板牛肉粒約有10粒, 外焦香內軟嫩, 蒜香味適中唔會過濃 ✧ 冷泡蜂蜜柚子苿莉綠茶 +$10 ✧ ✧ 小山園牛奶抹茶 +$30 ✧ 入口順滑, 微苦中帶回甘, 🍵仲有靚靚拉花~

yau Yau 3 個月前

今晚同朋友嚟到觀塘東廣場地下的「Coffee Art」環境座位都幾舒服，幾有文青feel。🎨 我哋叫咗幾樣嘢，首先係香煎紐西蘭肉眼牛扒，揀咗五成熟，煎得啱啱好，肉質嫩滑，有肉味，邊位帶少少焦香，配埋燒汁同薯菜，水準唔錯！🥩 跟住有香煎鵝肝豚肉炒意大利粉，呢個幾驚喜！鵝肝煎到外脆內軟，油香滲晒落意粉度，豚肉片都夠入味，意粉炒得乾身，唔會油淋淋，好食！🍝 豉椒忌廉煮蜆呢個配搭幾特別，豉椒嘅鹹香加埋忌廉嘅滑，竟然幾夾，蜆肉新鮮冇沙，個汁我哋就咁飲咗幾啖，惹味！😋 小食拼盤就啱晒二人分享，有柚子雞翼、炸海苔魷魚、吉列炸蝦餅同唐揚雞塊。柚子雞翼甜甜酸酸，幾開胃；炸魷魚有海苔味，脆口；蝦餅彈牙；雞塊就正常水準。整體炸得乾身，唔會油膩。🍢 飲品揀咗熱柚子蜜，潤喉舒服，朋友嗰杯冷泡蜂蜜柚子茉莉綠茶就清新解膩，茶味夠香，甜度適中。🍵 埋單價錢合理，食物有心思，尤其個鵝肝意粉同豉椒忌廉蜆令我印象深刻，會再嚟試埋佢哋嘅咖啡！👍✨ 📍Coffee Art (觀塘) 觀塘成業街7號東廣場地下G46-G48號舖

Barbie Princess 3 個月前

🌒觀塘東廣場「Coffee Art」以水泥風設計，環境型格輕鬆。食物多元化，菜單都算多選擇，價格相宜，晚市人均約$100，重要無加一又不限時，服務員仍很貼心高效率🔥 🥘印度蕃茄咖喱炸雞配薄餅(Hk$98) 連印度菜都有炸雞超脆口厚肉，咖喱濃郁帶微酸香，FLAKEY PARATHA 酥脆金黃，層層薄片有咬口 🍝黑松露野菌忌廉蛋麵 (Hk$98) 依款素食精選，奶油醬汁醇厚滑順，蘑菇鮮美香氣加上黑胡椒的點綴，口感層次豐富 🍟粗薯條配黑松露醬 (+Hk$38) 中身薯條入口軟綿粉糯，點埋黑松露醬，邪惡滿足 🍌🍫鐵板焦糖香蕉雪糕班尼(Hk$60) signature甜品Brownie，在鐵板熱辣辣配埋冰凍雪糕，冷熱交融，口感極豐富 🍰朱古力石板街蛋糕 (+Hk$38) 朱古力味夠濃，口感紮實，舖滿果仁&棉花糖 ☕️凍比利時70%朱古力 (+Hk$24) 口感醇厚，可可味香濃，唔會死甜 🍹橙汁 (+Hk$10) 可以揀走冰，解膩一流 📍Coffee Art 觀塘店 觀塘成業街7號東廣場地下G46-G48號舖 (港鐵觀塘站B2出口,步行約3分鐘)

yeuk shuen Fung 5 個月前

觀塘「Coffee Art」出品不錯，中上水平，絕對對得住價錢，小食、飲品跟餐Order，高CP值，而且店員服務幾好。雖然餐廳沒有收取全單10%服務費，但餐廳有提供WiFi，亦設有自助醬料區，以提供紙巾、溫水、美式黃芥末醬、喜馬拉雅玫瑰岩鹽、海鹽、胡椒粉、黑椒、Tabasco、巴馬臣芝士粉。 香煎鮮三文魚配黑醋沙律及白飯或薯條（單點$148），香煎鮮三文魚，魚皮金黃焦脆、肉質色澤粉嫩，味道鮮甜，品嚐本身的原汁原味已經好好味，配以明太子美乃滋食用，味道鹹鮮；黑醋沙律，沙律菜包括有紅毛生菜、生菜、車厘茄，配以黑醋沙律汁食用，味道清爽；白飯，壓得好實，份量多。 香蔥柚子胡椒手絲雞意大利粉或長通粉（單點$98）， 每一件手撕雞都連帶着雞皮，肉質皮滑肉嫩，肉味濃香，食落柚子胡椒味道欠奉，但帶有蔥油味道；意大利粉口感軟硬適中，麵條掛滿蒜蓉，食落好香口；配料包括有鴻喜菇、紫洋蔥、京蔥、油蔥酥、香蔥；綠茶多士，綠茶醬薄多士，口感薄脆，味道清香，略嫌綠茶醬搽得比較薄身。 蒜蓉牛油野菌帆立貝5隻（跟餐$48），表面鋪有番荽，帆立貝雖然比較細隻，但肉質飽滿，白蘑菇、鴻喜菇、香菇份量多，食落充滿蒜蓉、牛油香味。 吉列炸蝦餅（跟餐$38），口感外酥脆內彈牙，食落帶有鮮味，配以泰式甜辣醬食用，味道更佳，今次蘸了主菜的明太子美乃滋，整個配搭更加好味。 焙茶芝士蛋糕（跟餐$38），口感幼滑，焙茶茶味濃香，但焙茶茶味於口腔Last得唔耐，霎眼間，已被芝士味道Cover。 熱小山園牛奶抹茶（跟餐$30），預設甜度為走甜，茶味濃厚，配以一包啡糖飲用，甜度剛剛好，令茶味更加突出。 熱檸檬水（跟餐$0），味道酸溜。