甜牙牙煮意 Cookery Sweet Tooth

peggy Apple 4 個月前

甜牙牙．無法抵抗的龍蝦大餐 我最中意帶朋友去旺角食飯， 嗰度真係有好多高質又抵食嘅餐廳， 最重要係店員好人、服務周到，食起上嚟特別舒服。 今次輪到我帶個為食朋友去試「甜牙牙」， 佢個二人套餐好吸引，朋友食完即刻拎本簿仔出嚟mark低話要再嚟。 小食我哋揀咗兩款，首先係加$20嘅蒜片牛柳粒。 上來就聞到好香蒜味，牛柳粒煎到外層微微焦香， 入面仲保持到肉汁，咬落去唔韌， 蒜片脆脆地一齊食，好惹味。 另一款係伊比利亞火腿芒果卷， 呢個配搭幾清新，火腿有鹹香， 芒果甜得嚟帶少少酸，夾埋一齊味道好平衡， 唔會覺得膩。 主食方面，番茄大蝦麵係誠意之作。 大蝦新鮮彈牙，份量都幾多， 番茄醬汁濃郁但唔會過酸， 掛晒喺每一條麵上面，食落好開胃。 另一份我哋加咗$70升級做芝士焗龍蝦配油醋沙律。 龍蝦半隻開邊，面頭鋪滿芝士焗到金黃色， 蝦肉爽口，芝士鹹香唔會搶味， 旁邊嘅沙律用油醋汁拌過，清爽解膩， 夾埋一齊食啱啱好。 飲品方面，我哋分別加咗$6轉特飲。 朋友要咗莫卡咖啡，朱古力同咖啡嘅比例幾好， 唔會太甜，仲有淡淡嘅朱古力香。 我自己就揀咗焦糖拿鐵咖啡，焦糖味香甜， 同咖啡嘅微苦好夾，飲落順喉。 最後到甜品，套餐包咗Tiramisu窩夫配曲奇雪糕。 窩夫焗到外脆內軟，面頭嘅Tiramisu醬夠濃郁， 帶少許咖啡酒香，唔係得個甜字。 曲奇雪糕配埋窩夫一齊食，一凍一熱好過癮。 朋友本身話食唔晒，結果清晒成碟。 成餐飯由小食到甜品都有驚喜，份量足， 味道對得住價錢，最重要係朋友食得開心， 咁嘅質素，真係值得mark低做口袋名單。 餐廳：甜牙牙 地址：百利達廣場地下4號舖旺角廣華街3號

Fanny Wong 4 個月前

小街角位特色食物+甜品餐廳 今晚約了朋友行旺角店舖買精品擺設，到達旺角，行附近找間餐廳吃晚餐先，行下見這間，見門口玻璃貼食物介紹，有吸引，就入了去，入到去白色裝修，好有柔和感，坐下看了一會餐牌叫了 2人套餐-自選2杯飲品 第1杯-甜梅青桔檸檬茶 平均分配清新甜香檸檬味同酸酸梅香味，特色口味感 2人套餐-自選2杯飲品 第2杯-烏梅山楂茶 好酸酸甜香烏梅味同山楂味，解胃舒 暢飲品 2人套餐-自選小吃 伊比利亞火腿芒果卷 薄薄火腿捲住芒果，芒果切到條裝，火腿軟身嫩滑，好鮮火腿香味，清新香甜芒果味，另一番搭配味道 2人套餐-自選小吃 蒜油小魷魚 細細粒魷魚，彈牙爽滑，一口嘴嚼到，濃鮮蒜香味同魷魚香味 2人套餐-自選主菜 青醬三文魚麵 幼滑麵身，特別醬香味，好新鮮三文魚魚鮮香味 2人套餐-自選配菜 烤龍蝦配油醋沙律 (芝士焗） 厚肉蝦身，烤得好爽脆彈滑，濃新鮮鮮蝦鮮味同芝士香味，再加上油醋，菜有新鮮鮮菜鮮味，另一種層次味道 2人套餐-自選甜品 提拉米蘇窩夫配抹茶雪糕 窩夫身綿綿脆滑，濃香提垃米蘇味，奶滑雪糕，好香抹茶味 另叫芒果焦糖燉蛋布丁 蛋身軟綿滑爽，濃香鮮蛋味同焦糖香味，芒果好鮮甜香味，甜度適中

Chiu Isaac 6 個月前

二人餐，$268，不需加10%，包前菜，小食，主食，甜品和餐飲。味道真的是非常不錯，尤其是薄餅和意粉。值得推介和支持的小店。

Power Mama 1 年前

今日去覓食，我無蝦🍤不歡，我哋就見旺角甜牙牙•煮意出咗龍蝦套餐🦞，就立即去試😊 龍蝦套餐（前菜＋小食＋意粉＋龍蝦＋甜 品），我們就選了蝦汁大蝦扁意粉🍝+烤檸檬三文魚配油醋沙律+甜品就選了芒果藍莓拿破崙餅再追加珍珠焦糖布丁🍮。 芝士焗龍蝦🦞 龍蝦肉彈牙，仲有好多芝士拉絲！ 烤檸檬三文魚配油醋沙律🥗 三文魚新鮮軟嫩，沙律配芝麻菜和油醋汁非常開胃。 芝士烤龍蝦汁大蝦扁意粉🍝 用蝦頭炒香後煮的蝦汁，加入鮮蝦後鮮上加鮮，濃厚的海鮮味道🦐。 珍珠焦糖布丁🍮 焦糖脆殼配嫩滑布丁，珍珠 Q 彈，甜度剛好。 芒果藍莓拿破崙餅🫐🥭 可選兩球雪糕，我就選了朱古力和茉茶，酥皮酥脆、很香的肉桂味道😋。

美食搜查員 1 年前

朋友約吃甜品,但自己去錯店,這樣認識了這店,再去旺角就試一試,點了龍蝦套餐,這個是意想不到的超值。 薑汁甘筍湯,湯是比較清新的,甘筍的味道甜美,薑汁有輕微的辣味。 堅果油醋沙律,沙律菜很新鮮,番茄仔酸酸甜甜,加了醋酸酸的使人很開胃,夏威夷果仁及腰果很脆口。 蒜香烤腩肉片,腩肉片烤得香口,散發著蒜香,可以保留到肉汁抵讚,用菜跟腩片一起吃可解膩,而且感覺清新,還有蒜片很脆口。 芝士烤原隻400克龍蝦,龍蝦肉質彈牙,味道鮮美,芝士的焦香增添龍蝦的美味,最喜愛是有很多沙律菜及堅果,還加了油醋使味道更佳。 烤檸檬三文魚青醬扁意粉,扁意粉質地軟硬適中,扁身意粉可黏上更多的青醬,味道可口,三文魚皮很香脆,魚肉帶有陣陣的檸檬酸味很有清新感覺。 蘋果肉桂藍莓酥皮配雪糕,肉桂的味道很濃郁,蘋果很酸爽,藍莓的果香酸味也很強,酥皮做到香酥脆口,士多啤梨雪糕酸酸甜甜,碎曲奇脆脆的甜甜的。 味道: 值得一試,甜品好得 環境: 舒適 衛生: 整潔 服務: 殷勤 價錢: CP值高