金翠餐廳

Regina Fung 3 個月前

好有香港80年代既感覺，周圍都係霓虹燈好有feel。 野食好大份夾低食。2個人先係食左200幾蚊。有湯有包有主菜有甜品有野飲，性價比好高。真係不枉我落勁大雨都嚟食🤣 店員都好友善，走嗰陣好大雨。叫我地坐多陣先走，好窩心。

foodie savvy 4 個月前

朋友回港，特意想食港式鐵板餐。不假思索就帶他去「金翠餐廳」。因為，食物質素不錯，而且餐廳環境充滿香港懷舊情調，令人恍似走進香港的時光隧道。以下係我們嘅體驗： ✨ ➊西班牙黑豚豬鞍扒🐷🐷 鐵板餐選擇琳琅滿目，朋友選咗豬鞍扒。鐵板上枱淋上汁時嘅「Jar Jar聲」，朋友感到興奮，忍不住打卡一番。 豬鞍肉質軟腍適中，纖維較細，油脂分佈均勻。加上蒜蓉燒汁，效果惹味。再配上薯角、粟米、椰菜，十分豐盛，令人大快朵頤😋😋 ✨ ➋浦燒原條鰻魚拼粟米炒滑蛋飯🍳🌽🌽 原條浦燒鰻魚，烤到外皮微焦脆，兼帶點煙燻香。刷上甜鹹濃郁嘅浦燒汁，一咬下去油脂瞬間化開，肉質細嫰、Q彈，入口即化，送飯一流！油潤濃香嘅浦燒鰻魚，遇上清新滑嫩嘅粟米和滑蛋，口感層次非常豐富，真係滿足萬分！😋😋 ✨ ➌芝士西蘭花🥦🥦🧀🧀 奶香濃郁嘅芝士焗西蘭花，面層焗到金黃，用叉一撩，有拉絲效果。鹹香芝士包著爽脆鮮甜嘅西蘭花🥦，真係好夾，亦好美味🤤！跟餐只需加$20，真係不錯👍 ✨ ➍➎➏扒餐和晚餐包埋餐包🍞🍞和飲品☕️☕️我們叫了羅宋湯。餐包熱辣辣，十分軟熟，塗上冰凍牛油，冰火交融，好正！配上用多種蔬菜🥕🌶️🥬🍅🧅熬成嘅鮮甜酸辣羅宋湯，更覺滋味🥳🥳 今餐份量十足，豐富美味。最後，送上甜品啫喱享用，令呢頓晚餐畫上完美句號😘😘

helenng413 5 個月前

性價比高，完全係附近食飯嘅隱藏寶藏。 西冷牛扒切開中間仲係粉嫩嘅粉紅色，食落無根，夠曬淋身，咬落仲有肉汁同肉香濃郁。帶子新鮮彈牙，搭配鐵板燒出嘅焦香，再襯埋底層嘅薯菜同黑椒醬汁，每一口都超滿足。 龍蝦海鮮飯同樣驚喜！頂層半隻新鮮龍蝦，蝦肉彈牙爽口，完全唔會縮水。底下嘅海鮮飯有埋芝士香，仲夾雜住魷魚、蟹柳等海鮮，口感超豐富。 完全唔敷衍。整體環境雖然係懷舊港式風格，好有氣氛。總結嚟講，無論係牛扒定龍蝦飯，水準都好穩定。

Pearl 6 個月前

太子金翠餐廳充滿懷舊港式風情，霓虹招牌、格子地磚，處處是打卡位。 復活節期間帶小朋友來，點了帶子西冷牛扒鐵板餐，上桌時滋滋作響，牛扒肉味濃郁、軟嫩無筋，配上原粒厚身帶子，淋上蒜蓉汁非常惹味。龍蝦海鮮焗飯亦出色，半隻龍蝦肉質爽彈，飯底吸滿芝士和海鮮汁，香濃不膩。 加$20就有芝士西蘭花，忌廉芝士香滑，抵食之選。最驚喜是復活節送玩具給小朋友，開心又滿足，一家人吃得盡興而歸。 #太子餐廳 #金翠餐廳

Sa820 7 個月前

金翠餐廳是一家充滿懷舊港式風情的茶餐廳，以鐵板扒餐和經典菜式聞名。餐廳裝潢以懷舊風格設計，燈光柔和富有情調，適合打卡及聚會。 所有主食都會包餐湯、牛油餐包和熱飲。 忌廉湯香滑，餐包軟熟。 香草煎羊鞍：用鐵板盛載熱辣辣上枱，侍應倒入黑椒汁，即時香氣四溢，令人垂涎欲滴。羊鞍外皮煎至脆香，內裡粉嫩多汁，香草滲入肉中帶來層次感 ，配濃郁的黑椒汁，份外惹味。 焗夏威夷豬扒飯：豬扒厚薄適中，肉質軟腍多汁， 茄汁底帶來酸甜開胃的基調，配上菠蘿的果香和半溶芝士的焦香拉絲效果，整體層次分明。 紅豆冰：紅豆林甜有奶香。 華田紅豆冰：加入阿華田帶來濃郁的麥香和堅果味，奶味更豐富，整體風味更複雜懷舊，適合愛重口味的人。 懷舊啫喱是香港經典童年甜品，啫喱加入淡奶味道奶香濃郁滑順，帶有啫喱嘅Q彈口感。