利寶會館

Michael Wong 3 個月前

帶台灣朋友來，大家讚不絕口！ 作為香港人，很久未吃過高質的粵菜！ 服務、態度、衛生一流！ 香港飲食業真係靠曬你哋！

Yvonne Li 5 個月前

下個月就係母親節啦 大家又諗到去邊度食晚未呢 利寶會館有個自選位餐 $388/位（二位起）都好鬼抵食 濃湯雞煲翅（每位3兩） 湯底濃而不鹹，啲翅多到好似唔使錢咁🤣塊塊都好大塊好完整🤤 脆皮燒乳鴿（每位半隻）皮脆肉嫩 （以下小菜每位選一款） 豆豉雞煲✨一打開蓋充滿鑊氣嘅豆豉香氣撲鼻，雞肉嫩滑 菠蘿咕嚕肉✨菠蘿甜甜酸酸好開胃，咕嚕肉個皮係脆嘅 粉絲什菜煲✨有菜心、白菜、冬菇、粉絲、蝦乾等，都好豐富 菜遠炒牛肉✨牛肉嫩滑，再配以爽嫩菜心 滑蛋炒蝦球✨大大粒爽口彈牙既蝦球配以半生熟既滑蛋 雪菜肉碎豆腐✨雪菜炒肉碎嘅嘢味，配以滑捋捋嘅豆腐，要嚟送飯一流 飄香荷葉飯（每位一個）荷葉香氣同飯瀜合，每粒飯都好分明 最後食埋碗蛋白杏仁茶，滋補養顏🤭大滿足🤰🏻 利寶會館 📍中環德己立街 1-13號世紀廣場4樓

美食搜查員 6 個月前

超正春之套餐 看到這餐牌立即要試一下。 青瓜海蜇頭,海蜇質地爽口脆身,味道辣辣的有蒜香。 椒鹽九肚魚,外皮脆卜卜,內裏的魚肉綿滑,椒鹽的味道濃郁而且很鮮美。 花膠海味羹,湯羹質地濃厚,用了勁多花膠來做膠感極重,味道咸鮮味十足。 翡翠炒蝦球,蝦的質地彈牙,味道鮮甜。 蠔皇原隻鮑魚扣海參,鮑魚質地綿軟,味道鮮甜有鹹香味;海參質地嫩滑,味道鹹鹹鮮鮮的。 豆醬香芹半煎煮馬友,馬友質地如絲一般細滑,油脂充沛,味道有豆醬的香味。 客家炆鵝,鵝肉質地入口即溶,肉汁豐富,鵝皮很入味,原汁原味。 飄香荷葉飯,原個荷葉飯,荷葉的香味可以入到飯味,這個做得不錯。 蛋白杏仁茶,味道不會太甜。 金絲脆麻花,質地脆口,口感鬆化。 味道: 值得一試 環境: 地方大很舒適 衛生: 整潔 服務: 殷勤 價錢: 超值 #香港旅游攻略 #利寶會館 #中環美食 #中菜 #foodhunter_mc

peggy Apple 6 個月前

利寶會館．阿哥牛一歡聚滿載脆皮鴨香 阿哥生日，搵個地方食餐好嘅， 最緊要係大家都食得舒服、傾得開心。 今次揀咗中環嘅「利寶會館」，一行幾個人， 嗌咗幾道招牌菜，由頭盤食到甜品，成餐飯真係無乜點挑剔。 先嚟個「瑤柱海味羹」暖一暖胃。 呢個羹真係足料到不得了， 每一啖都舀到瑤柱同海參粒， 湯頭濃郁但唔會膩， 飲落去順喉舒服，作為開場非常之好。 跟住係重頭戲「北京片皮鴨」。 師傅喺面前即片，皮脆肉嫩，油脂分佈靚仔。 攞塊薄餅皮，塗啲甜麵醬，放兩條青瓜同大蔥， 包住一啖咬落去，嗰種酥脆同肉汁混合嘅感覺， 真係無得輸。阿哥同佢老友都忍唔住食咗幾件。 「宮爆蝦球」呢道菜夠晒鑊氣，蝦球大大粒， 爽口彈牙，醬汁酸甜微辣，包住成粒蝦， 送飯一流，但我哋決定留肚食之後嘅荷葉飯。 「清蒸海星斑」就係考驗師傅蒸魚嘅功架。 火候控制得啱啱好，魚肉離骨，嫩滑鮮甜， 淋上啲蒸魚豉油，簡簡單單已經食到海鮮嘅原味。 食咗幾道濃味菜，嚟個「乾煸四季豆」清清地平衡返。 四季豆炒得乾身，肉碎鹹香， 惹味但又唔會太油膩，轉吓口味啱晒。 主食嘅「飄香荷葉飯」一上枱已經聞到陣陣荷葉清香。 飯粒炒得乾身，粒粒分明， 入面有蝦乾、瑤柱同冬菇， 撈勻之後每一啖都帶住淡淡荷葉香， 係好傳統、好紮實嘅味道。 最後嘅甜品，真係要讚一讚。 「蛋白杏仁茶」磨得好滑，杏仁味天然濃郁， 唔會太甜，飲完覺得潤晒喉。 而「金絲脆麻花」就係驚喜，炸到金黃酥脆， 面頭沾滿芝麻同糖絲，入口鬆化， 一啖接一啖，完全停唔到口。 成餐飯，食物水準高，服務亦周到，最緊要係阿哥同佢老友都食得好開心。 餐廳：利寶會館 地址：中環德己立街1-13號世紀廣場4樓 #利寶會館 #宮爆蝦球 #北京片皮鴨 #荷葉飯 #香港探店 #尋味中環

Peony Ho 2 年前

聽講中環利寶會館出咗個叫「那些年懷舊經典菜式」嘅套餐，而家出街食飯大家都貪新鮮，或者食外國料理，好少話食中菜，所以今日搵埋鍾意食中菜嘅朋友一齊去試吓❣️ 燒雲腿玻璃蝦 ⭐️⭐️⭐️⭐️ 擺盤好靚，中間嘅玻璃蝦爽脆🦐 原本諗緊隔籬嗰塊炸物係乜嘢，咬咗啖原來係雲腿，感覺好似金華火腿咁，鹹香味好足夠，配合玻璃蝦一齊食又係第2種食法，側邊有少少蝦醬，我個人鍾意食濃味，點埋一齊食又係另一種層次！ 蟹肉冬茸羹 ⭐️⭐️⭐️⭐️⭐️ 聽講早期廣東省嘅人，夏天必食冬茸羹，加埋蟹肉更上一層樓，係一道好傳統嘅菜式😙 冬瓜蓉食落口清淡爽口，感覺營養好豐富，加埋啖啖蟹肉，誠意推介一定要試👍🏻 奇妙醬螺片 ⭐️⭐️⭐️⭐️⭐️ 呢味菜係凍盤，奇妙醬原來即係沙律醬+wasabi😋 冇諗過呢2樣材料可以配搭埋一齊！食第1塊已經覺得好有驚喜，螺片爽口，配合滑捋捋、味道又酸酸地嘅奇妙醬，感覺好特別！千祈唔好錯過底下嘅菠蘿粒同青瓜粒，同樣好食👍🏻 古法生扣鴛鴦雞 ⭐️⭐️⭐️⭐️ 鴛鴦雞用大量香蔥做配料，好好奇個醬汁係點樣整？因為個醬汁好香濃，每一嚿雞都掛上咗醬汁，如果用嚟送飯應該可以食多幾碗😋 鴨汁津菜包 ⭐️⭐️⭐️⭐️⭐️ 將大量菌類、木耳等蔬菜切成絲，再用津白包住，面頭嘅鴨肉味道香濃，津菜包被鴨汁籠罩住，咬開嘅時候連埋入面一絲絲嘅食材，味道濃郁，非常入味有層次😳 砂窩鮑魚雞粒飯 ⭐️⭐️⭐️⭐️ 食中菜點少得食飯？原隻鮑魚，肉質好腍好好食😌 雞粒飯勁惹味，一人一個砂鍋仔好得意，雖然食到後尾飽飽地但我都忍唔住食晒，因為個飯配搭醬汁實在太惹味，仲有大量雞粒同香蔥，啱晒我口味！ 生磨蛋白杏仁茶 ⭐️⭐️⭐️⭐️⭐️ 杏仁茶係我最鍾意嘅甜品之一，尤其食完中餐之後，一定會覺得食返碗杏仁茶先至係完美嘅ending ！呢度嘅杏仁茶蛋白唔算多，但係杏仁磨得好滑，味道亦都好濃郁，如果可以大碗啲，我就會更加滿足🤭