The Chinese Library

Sikjorfarnmeii 1 個月前

最近搵到間幾有心思嘅中菜館，菜式融合傳統與創意，環境好靚，好適合同朋友家人慢慢嘆一頓精緻晚餐～ 今晚幾道菜都令人印象深刻，前菜Crystal Century Egg晶瑩剔透嘅賣相已經夠晒精緻，Q彈口感配上酸酸地特製醬汁，清新開胃，完全顛覆咗對皮蛋嘅印象 🥩Wagyu Beef Ribs with Vinegar & Chilli呢道係全晚焦點！主廚將人生五味融入和牛肋骨之中。入口先係醋嘅酸香，接著辣味慢慢滲出，和牛嘅油脂甘甜隨之爆發，最後回韻帶一絲苦甘，層層遞進，肉質軟腍入味，絕對係誠意之作 🕊️Roasted Pigeon上菜嘅時間已經好有心思，即場喺你面前燒，乳鴿燒得皮脆肉嫩，香料味恰到好處，唔會蓋過鴿肉本身嘅鮮甜，咬落去肉汁滿滿，係傳統功架嘅表現 - ▫️ Jade Flower $148 ⭑⭑⭑⭑⭒ ▫️ Crystal Century Egg $108 ⭑⭑⭑⭑⭒ ▫️ Roasted Pigeon $268 ⭑⭑⭑⭑⭒ ▫️ Wagyu Beef Ribs with Vinegar & Chilli $388 ⭑⭑⭑⭑⭑ ▫️ Hunan Bacon Fried Rice $198 ⭑⭑⭑⭑⭒ ▫️ Tofu Panna Cotta $68 ⭑⭑⭑⭑⭒ ▫️ Pistachio Library Cappuccino $88 ⭑⭑⭑⭑⭒

Foodieyum伏迪音 3 個月前

最近去左中環大館好靚裝修好有氣派嘅中菜廳「The Chinese Library」，呢度唔單止環境好靚好舒適，食物都好高質，賣相仲好精緻，得知weekend佢哋有無限任食嘅點心brunch，可以食足120分鐘，即係約朋友黎試下！個人認為呢個brunch性價比真係好高，有頭盤、點心任食，仲有共享主菜同埋甜品。每一道都好好味！再加埋個環境同服務，成個體驗好好。 頭盤一開始先用上晒5款，之後按需要可以再個別追加。 頭盤有椒麻素手撕雞、辣拌雞樅菌、香辣醬肉、涼拌海蜇花同埋青檸水晶冬瓜。 前3款都係四川風味，走惹味同重口味嘅路線，後面兩款就係清爽路線，尤其係青檸水晶冬瓜，酸甜開胃嘅青檸同香茅味，食完即刻好開胃，忍唔住encore左兩轉，點心食飽飽用呢個黎收尾都好舒服。 去到戲肉 任食點心環節。足足有成18款點心，當中4款係可以加錢升級嘅點心。 雖然真係好想試晒每一款點心，但始終胃容量有限，所以今次真係試左當中嘅8款。 大部分嘅點心一籠大約有3粒倒，所以如果多啲人黎食呢個brunch就可以試到多啲款式啦。 咁多款之中我top 3 picks係燒椒燒賣。 呢個燒賣融合左四川椒麻嘅風味，微微嘅麻辣好惹味，入面嘅蝦豬肉餡都好新鮮爽彈。 和牛坑腩蒸陳村粉。 呢個都好出色！個牛坑腩入味又軟嫩，連埋牛筋嘅位置好有口感，濃厚嘅牛腩配埋個軟滑嘅陳村粉，太好味！ 銀魚仔瑤柱糯米卷。 呢個糯米卷又係將所有嘢發揮到極致！ 入面嘅糯米好軟糯仲要好鮮，完全吸收晒瑤柱同銀魚仔嘅精華，配埋啲蔥好香口。 其他嘅點心水準都唔錯，而且都係啲比較特別唔常見嘅款式，例如五指毛桃小籠包、芥末牛柳卷、翡翠蘿蔔鮮蝦餃。 個蝦餃用爽脆嘅蘿蔔包住，清爽得黎口感層次都豐富！ 黑松露素菜粿。 粉粿皮好煙韌，入面嘅餡料好重黑松露香。 松茸冬菇包唔單止造型可愛，仲好足料，超重菇菌香！ 共享主菜有3款。時令時蔬。 今次係炒椰菜花。炒得有穫氣又唔油膩！ 風沙海鮮炒飯。 炒得乾身，粒粒分明，又有穫氣，入面都幾足料，好多蝦肉同豬肉等，每人都分到兩碗，份量十足！ 雞米花雪燕羹。 呢個羹又係好正！滿滿嘅雪燕，將雞肉切碎成雞米花，有口感之餘，個羹都好重雞鮮味。 最後嘅甜品以拼盤形式呈上。 有陳皮紅豆糕、冰皮抹茶粿、椰奶藍冰粉。 3款嘅甜品都唔係太甜嗰種。 冰皮抹茶粿有啲冰皮月餅皮同湯圓之間嘅口感，個抹茶餡都幾濃，幾特別！ 陳皮紅豆糕係暖暖地，陳皮味好突出。 椰奶藍冰粉呢個好冰涼清爽，椰味突出，冰粉好滑溜溜，而且藍紫色好靚！

nonstop_ h.e 3 個月前

假日飲食點心選擇多，亦加入不少創意菜式.單單任食頭盤已經值回票價! 點心與主菜更是水準之上.若有預算,唔可以錯過額外加配嘅牛肝菌灌湯餃. 一家人也吃得很滿足！絕對會再幫襯！

bubble planet 3 個月前

去大館遊覽， book位試埋大館裏面嘅靚靚中菜廳，佢係多年榮獲黑珍珠餐廳推介，佢個無限供應點心brunch，要等到weekend先有得食，餐廳裝修超靚有氣派，服務非常有禮貌同貼心，我最鍾意佢個燒賣。

Chim Tang 5 個月前

【The Chinese Library】 百川珍味嚐味菜單 大館嘅 The Chinese Library 有新菜單-「百川珍味嚐味」，作為老粉嘅我當然要第一時間嚟試試～無論擺盤、香氣定味道都有心思，不愧為我推薦中菜之一👍🏻 ✨ 殿堂叉燒 以紐西蘭 Manuka 蜜燒製，咬落外層微焦散發淡淡蜜香！瘦叉燶邊符合我嘅味覺審美 🌿紫蘇鮮椒拌鮑魚 冰鎮鮑魚爽滑入味，配上紫蘇葉與微辣的鮮椒，是挺新奇的配搭，味道相當清新 🥟 黑松露蝦餃、帶子餃、花椒鱈魚餃* 一向喜歡這裏帶點fusion的點心，蝦餃皮薄而彈，咬開即爆出松露香氣； 帶子餃既鮮且甜，菇香濃郁； 花椒鱈魚餃就辣得剛好，帶陣陣花椒香，好正👍🏻 🍲 25年陳皮花膠老鴨湯 一碗熱湯最能打動我，以25年陳皮油熬製，湯底金黃通透、入口醇厚，花膠軟糯有膠質感。每一啖都暖到心入面，飲後嘴角都留住陳皮幽香 🦆香草混醬燒鴿 今晚重頭戲之一！在枱上即場點火，超香🤩 隔籬枱都睇到VaVa聲🔥 燒到外皮香脆, 配自家調配嘅香草混醬，有少少甜有啲鹹，味道層次超豐富～ 呢道菜絕對係視覺與味覺嘅雙重享受！ 🥩 五味和牛肋配黑松露炒飯 和牛肋醬香濃郁、酸辣開胃，肉質軟腍入味🥰 再配埋蟹肉蛋白黑松露炒飯收尾