飲茶

Fung、Oi Lang 2 個月前

入到去環境舒服又有心思，晚餐都可以食得好有氣氛😋 今次我哋最期待就係呢個好得意嘅「公仔點心」呀🐵！一上枱已經忍唔住影相打卡📸。 先嚟「一籠八戒」~賣相係🐷仔造型超可愛!。 跟住「蟹籽鮮蝦燒賣」🦐🧡，蝦香好突出，蟹籽嘭嘭！ 「羅蔔絲酥」🥕酥皮好薄脆，每口都夠脆口😆。 「鮮蝦菜苗餃」🥬蝦肉彈牙，菜味清甜，食完覺得好清新！ 主食我哋揀咗「松露伊麵」🍝，松露香氣好濃郁! 最後當然要留位畀甜品啦！「養顏雪耳桃」🍑，雪耳滑溜、桃香溫柔，甜度剛剛好，食完心情即刻變「滋潤模式」💗 點心可愛又好味，份量同味道都啱啱好!👍

Kelly Ho 2 個月前

今次同👦🏻👧🏻嚟到中環「飲茶」食好嘢！主打特色中菜同點心，值得一試！ 🌟水煮辣牛肉：麻辣香氣撲鼻，牛肉滑嫩入味，底層薯粉嗦滿麻辣汁超惹味！ 🌟欖菜肉鬆炒飯：鑊氣十足、飯粒乾身，鹹香欖菜配鮮甜肉鬆超夾。 🌟手拆蟹粉小籠包：皮薄有韌性，一咬即爆蟹粉高湯，鮮甜濃郁，配薑醋食一流！ 🌟招積茄子：外脆內軟，裹滿酸甜醬汁極開胃，茄子仲好多汁。 🌟港式懷舊酥脆蛋散：金黃鬆化，蛋香撲鼻，甜度適中！

barbaours 3 個月前

中環 玩味十足新潮中菜館 放假同外國返嚟嘅朋友去中上環街行打卡拍照 跟住就帶佢去咗附近一間玩味十足新潮中菜館 店內裝修高樓底配落地玻璃窗，可以欣賞中上環繁華街景 餐廳主打打卡元素及傳統完美融合點心，深受本地年輕人及遊客歡迎 食物方面 : 睇住流奶 : 餐廳玩味十足嘅流沙包，大家都會用筷子在包子上戳個洞，再將金黃色奶黃流沙好似流口水般湧出，極具視覺效果 鴿吞鳳梨 : 賣相非常精緻，將酥皮做成栩栩如生嘅小鴿子，裡面包裹著酸甜開胃的鳳梨內餡，造型滿分，再放入鳥籠上枱，一道非常精緻酥點 卡邦尼小甘筍 : 將清甜的迷你甘筍肉，拌入西式濃郁卡邦尼醬汁、忌廉、芝士及煙肉碎，口感新穎嘅中西合璧的創意菜。 蟹籽鮮蝦燒賣 : 燒賣入便喺豬肉蝦肉製成肉餡，頂部加橙紅色蟹籽點綴，爽口彈牙，肉香四溢，做到薄皮餡靚 筍尖鮮蝦餃 : 蝦餃非常大粒，麵皮輕薄帶韌性，入便包住飽滿彈牙嘅鮮蝦及清脆筍尖，鮮甜多汁，傳統必點粵式皇牌點心 紅油抄手 : 皮薄餡嫩喺餛飩皮，入便喺飽滿彈牙嘅豬肉及蝦膠，再淋上紅油、醬油、蒜泥等調製成嘅酸辣醬汁，香辣開胃 雞絲拉皮 : 滑溜粉皮鋪上嫩滑雞絲、青瓜絲，再淋上香濃芝麻醬撈埋一齊食，最啱夏天食嘅滬式涼拌菜 流沙荔枝球 : 外表炸得金黃酥脆，神還原荔枝外殼，入便喺熱辣辣嘅爆汁流沙餡料，外脆內軟，非常美咁嘅創意甜品

Foodie HK 4 個月前

舊同事約食晚飯，佢揀咗嚟呢一間出名食得意點心嘅中式餐廳，原來佢都有晚飯小菜，我哋當日就揀咗一個二人餐，食物質素幾好，我哋食得滿意。 前菜 有3款：上海烤夫、沙薑燻蹄粒、秦嶺高山黑白木耳。烤夫好入味；燻蹄粒一口一粒，皮煙靭膠原滿滿，沙薑惹味清爽；黑白木耳淡淡黑醋香，清新爽口。 養生燉湯 我哋嗰日係海底椰烏雞燉湯，湯好清甜，好滋陰，熱辣辣燉湯飲完好舒服。 XO醬翡翠大蝦球 蝦球大大隻，新鮮爽口，配上XO醬，味道好香好惹味，加入咗一啲爽口嘅蔬菜同埋新鮮淮山，健康又好食。 西班牙黑毛豬叉燒 叉燒有個小暖爐暖住，慢慢食叉燒嘅溫度都可以keep住微暖。叉燒肉質好鬆軟，一啲都唔會乾柴，厚度亦都啱啱好，口感超正。 乾炒安格斯牛肉河 安格斯牛肉柔軟，河粉軟滑，配上香口嘅韭黃同埋芽菜，豉油咸度剛好，又香又惹味，炒得好有鑊氣。 甜品 有兩款，紅粉玉露係凍嘅，顏色充滿少女情懷，好靚。味道清新唔會好甜，有清爽嘅石榴粒同埋一啲好似爆爆珠咁嘅西米喺裏面，增加口感。 薑茶湯丸 薑味濃郁，配上皮薄餡靚嘅芝麻湯圓，冇得輸。

Kinki Wong 6 個月前

飲茶 Yum Cha 呢間舖頭裝修好有心思，一入到去就覺得好有氣氛，坐低即刻想叫嘢食！今次叫咗幾款菜，全部都令人回味無窮，食完真係滿足到爆！ 首先招積茄子一上枱就香氣四溢，炸到金黃脆身，外脆內軟，啲茄子完全唔油膩，配上嗰個甜甜地嘅醬汁，甜中帶少少鹹，食落去一口接一口，停唔到口！醬汁調得啱啱好，唔會太膩，完美襯托茄子嘅鮮味，真係開胃一流。 跟住就係京蔥尖椒牛肉，呢個菜一試就知係靚貨！牛肉切得薄薄，鮮嫩彈牙，一啲都唔韌，炒得夠晒鑊氣，香到不得了。京蔥同尖椒加埋一齊，辣到適中，唔會太過火，但係嗰股辣味喺喉嚨慢慢散開，超級過癮！食落去每一啖都帶住鑊氣同牛肉嘅鮮甜，配飯一流，食得多都唔覺膩。 欖菜肉鬆炒飯就係今次嘅主食擔當，粒粒分明，飯粒炒得鬆散，欖菜香味濃郁，肉鬆又夠鬆化，入口即化。炒得均勻，每一口都食到欖菜嘅鹹香同肉鬆嘅肉味，仲帶少少甜，食落去好有滿足感，簡直係完美嘅炒飯示範！食完成碗都唔夠喉，仲想再叫多一碗。 黑椒金錢肚呢個菜真係驚喜，黑椒味濃厚但唔嗆，香辣開胃，金錢肚處理得好好，爽脆又有咬口，唔會太韌，配黑椒汁食落去香口到爆！每一片都吸滿汁，食得出新鮮同廚師功夫，絕對係必試推介。 最後卡邦尼小甘筍呢個fusion菜真係玩得有心思！外皮炸到脆脆，像足鹹水角，但裏面竟然包住creamy嘅carbonara汁，仲有煙肉粒點綴，食落去外脆內滑，煙肉香味同濃郁忌廉汁完美結合，甜鹹交織，又有少少芝士香，創新但唔怪味，好有層次感！食完覺得好滿足，又唔會太重口，真係越食越上癮。 整體嚟講，飲茶 Yum Cha 食物水準高，味道均衡，每款菜都有亮點，服務又親切，環境舒服，下次一定再嚟試其他推介！食到咁開心，真係值回票價。