Pizza Pan - Fresh Handmade Pizza and Pasta

Vera 1 年前

今日用App叫咗Pizza Pan嘅2人餐，真係冇得頂！個「千烏菠蘿雞粒Pizza」超正，餅底脆卜卜，咬落去索索聲，邊位仲有啲焦香，正到爆！菠蘿甜甜哋，同雞粒好夾，芝士又多，拉絲拉到成尺長，食完成個大滿足！ 黑松露忌廉雞肉蔥粉都唔輸蝕，個汁creamy得嚟又唔會太漏，黑松露味好出，意粉煮得啱啱好，仲有啲煙韌口感。雞翼炸得金黃脆口，沙律新鮮爽脆，仲有兩罐可樂送，真係抵食！ 外賣送到仲熱辣辣，包裝又穩陣，仲跟足我哋要嘅餐具。 Pizza餡料好足，呢個價錢真係冇得彈。下次肚餓實會再叫，Pizza Pan果然冇令我失望！

Si Dan eat 2 年前

💵人均$70-90 去觀塘上workshop，是但入左呢間超抵食小店！！ ❤️‍🔥2人餐只係$188❤️‍🔥 仲要有齊意粉🍝pizza🍕小食🥧餐湯飲品🥤沙律🥙 分量仲 一 D 都 唔 細‼️ 意粉🍝 白汁蜆肉意粉，即叫即煮，熱辣辣食🤩 調味都非常好，蜆肉又俾得大方🤭 Pizza🍕 夏威夷🍍超級多芝士🤭如果同小朋友嚟食一定好鍾意！(我都好鍾意 雞翼(4隻) 🐤 食落係瑞士汁味焗雞翼，幾新奇🤤好食~ 餐湯🍲 我去嗰日係南瓜粟米湯🌽 濃郁同食到粒粒粟米！ 下次嚟會想試吓create your own pizza & pasta，任我發揮🤪 結論真係超抵食，一大班朋友叫去partyroom都好抵！

愛吃的小猴子 2 年前

係觀塘做完野又要搵野食啦，美食廣場中見到呢間pizza店好抵食，所以就試一試。 凱撒沙律$45 份量夠多，小蕃茄同沙律菜夠新鮮，bacon同麵包粒咸香十足，十分清新。沙律醬分開上，可跟據自己口味落，十分貼心。 夏威夷薄餅$59 Pizza即叫即整，叫左中尺寸已經好大片，2個人一齊食都夠，薄餅外層夠哂脆口，菠蘿同火腿配搭無得輸，而且份量都好多，差唔多每一啖都食到。芝士好重手，有拉絲效果，芝士控必試。 蒜香辣豚肉炒意粉$70 食唔到辣味，都係好夠份量，連豚肉都好多片，肥瘦適中，意粉煮得岩岩好，好有口感，而且炒得好夠乾身，夠哂水準。 📌Pizza Pan 地址：觀塘巧明街94-96號鴻圖中心地下5G1-4號鋪 評語 店員友善親切 食物性價比高，超級抵食 🐵推介🍌🍌🍌🍌🍌（5🍌為滿分）

Ruby Wong 5 年前

「發掘觀塘casual意大利餐廳🇮🇹 🍴」 鴻圖中心地下Food Court有間食意大利菜嘅餐廳🇮🇹，人流唔多，所以一定有位，同大家發掘下觀塘區有咩食先🤗🍴。 . 因為同兩老一齊去，一共叫咗2個二人餐🍱，一於分開兩次post🤟🏻。 . 📍2人套餐 ($158) - 小食Snack🥨: 套餐內有2隻雞翼Chicken Wing 2 pcs + 2塊蒜蓉包Garlic Toast 2pcs作開胃小食😋，蒜蓉烘得乾脆，塗滿咗牛油🧈，非常香口惹味👅。 - 意大利經典薄餅Classic Italian Pizza 🍕: 呢款Pizza以Mozzarella Cheese🧀、意大利辣肉腸、菠菜🥬做餡料，可以食得出落足料，口感鬆軟🤤，啖啖芝士而且食到好香番茄味🍅，好食👍🏻。 - 松露醬帕爾瑪火腿意粉 Spaghetti with Parma Ham in Truffle Sauce🍝: 第一啖已經食到滿口松露香🤩，喺幸福嘅感覺啊❤️！意粉口感剛好，醬汁相當Creamy😍。松露配上鹹香嘅Parma Ham🍖，質素可以媲美外面餐廳的水平🍴，呢個真心有驚喜，推薦❤️！ 📍荔枝味&桃味健康水果茶 (套餐+$8) 甜度啱啱好，好清新。

VN Yip 6 年前

自從發現鴻圖中心有個高質food court，就多左去呢到搵食。仲爭幾間未食過，今次揀左Pizza Pan！開源道街過去唔洗10分鐘，好方便架。 由於Pizza 係即叫即製，所以要等15分鐘，如果去食Pizza Pan 就要預留多少少時間喇。仲有，鴻圖中心冷氣比較大，記得帶定件褸去呀😊 #超級夏威夷 有煙肉、火腿、菠蘿、青椒、黃椒 5種配料，落完單店員即刻拎個粉糰出嚟搓，好新鮮😆。配料都落得幾多下，望落好豐富！pizza 🍕 焗得好脆好香口，菠蘿🍍大大粒好juicy，性價比👍🏻👍🏻👍🏻 #蕃茄辣汁大蝦意大利粉 呢個意粉🍝真多蝦🦐，5隻大大隻，只能夠講好足料！但就唔係太食得出有辣咪，不過無所謂，有蕃茄汁已經好開胃。 #芝士焗肉丸 有長洲魚蛋咁大粒嘅肉丸，好香香烤味。我分唔到係牛肉定豬肉，可能係mixed都唔出奇。口感鬆軟得黎都幾彈牙，仲有超級多芝士🤤 飽晒！ 二人餐仲有一個主食一份小食+兩杯飲品🤤，lunch洗唔洗咁豐富呀？不過咁好食又係值得留quota 醫肚嘅😜