Sumito

A Lam 3 個月前

令人驚喜的炭燒居酒屋，除了有優質食材如日本魚喜之次，赤陸外，也有日本和牛ribeye以及名古屋交趾雞。食品有些比較貴，也有些比較平，綜合來說是中價位。 這裡情緒價值滿分，生日有一杯特大的飲品送，現場也有所有賓客一齊玩的送清酒遊戲。 可謂氣氛滿滿👍🏻👍🏻👍🏻

WYSL 6 個月前

🈵絕對係一間充滿情緒價值、非常有氣氛、嘢食又好味嘅餐廳！生日嘅話壽星會有一杯超勁大嘅酒，每個職員都會過嚟同你講生日快樂（最後嗰張相），期間仲有有獎嘅遊戲玩，啱啱撳正10秒嘅話就會送一支酒，我差0.01秒差d贏到lol！每個人都可以參加，非常好玩刺激！總括嚟講，嘢食、環境、酒水樣樣都OK，非常推薦！

Alpha 7 個月前

炭兔團年飯 @sumito.hk 🐇🧧 燒喜之次🎣切開已經肉汁滿滿，皮燒得香脆而肉質嫩滑🤭。 炭燒乳鴿係新品，同樣高質🫶🏻😜 個牛🐮燒到焦香外皮，預期的medium rare 😋yummm 呢度刺身向來無得輸，加個沙律，圓滿🎈😎 人均消費飲埋酒約$700。

Katsuo Fish 10 個月前

呢間灣仔嘅人氣居酒屋，進入店舖內猶如置身於日本嘅居酒屋之中，感受到濃濃嘅熱鬧氣氛，有備長炭烤魚、鐵盒燒蠔等日本地道美食，睇見個餐牌已經超興奮。 🥢鐵盒燒廣島生蠔(6隻)$240 加配芝士$48 蠔肉鮮甜飽滿，連湯汁都鮮度十足，加咗芝士嘅燒蠔多份濃郁奶香口感，另外仲配上青紅糖辛子、檸檬角、芫荽及超鹹香辛辣嘅青椒醬。 🥢炭燒雞 $168 用上日本三大地雞之一嘅名古屋交趾雞，一啖一口雞肉，食得非常方便，肉質爽彈，炭烤味濃郁，配上酸辣醬，蘸點更覺惹味。 🥢 醃製螢光烏賊 $48 鹹鹹香香嘅螢光魷魚非常嫩滑，內裡爆漿juicy ，送酒一流。 🥢洋蔥焗湯 $40 湯頭鹹香濃郁，內裡嘅洋蔥軟腍甜香，麵包索滿湯汁夠哂滑溜，充滿風味。 🥢明太子天婦羅$98 明太子飯糰食得多，估唔到用嚟做天婦羅都咁好食，鹹香鬆脆，佐酒一流。 🥢燒魚餅$68 燒到表面焦香微脆，咬落口感Q彈。 🥢本鰹沙律 $118 見到師傅即場將鰹魚炭烤，火光熊熊好有feel，炭烤味濃，肉質鮮嫩，配合洋蔥及酸醋汁一齊食，非常之夾。 🥢子持鮎魚$128 用上備長炭去烘烤鮎魚，皮脆肉質細嫩，肚內充滿綿密魚卵。 🍶中六純米吟釀 $80 「三井の寿」の酒造與炭兎嘅特別限定酒，一定要試下，酸度平衡，順滑醇厚，飲落好舒服。 🍶麦 焼酎Iichiko $58 口感細膩順滑，麥香回甘。

Wing Sum Lam 1 年前

【灣仔｜即叫即燒嘅炭火日式燒烤居酒屋】 今日去咗灣仔一間叫「炭兎」嘅日本餐廳食晚餐，一踏入餐廳好有日式居酒屋嘅感覺，除咗有卡位之外，仲有一大個望住師傅燒烤開放式吧枱位同酒水吧枱位。最特別嘅係餐廳用咗炭火做串燒同烤魚，令到燒出嚟嘅食物都散發着陣陣嘅炭香。而且餐廳仲有特別嘅慶祝生日方式，職員會為當晚生日嘅顧客帶上生日帽同提供特別飲品，再為每位客人送上一杯清酒，由職員帶領成間餐廳一齊乾杯，氣氛幾好！ 🍊 鮟鱇魚肝 鮟鱇魚肝嘅質地嫩滑，帶有濃濃嘅鮮味，配上微酸嘅柚子醬汁、青蔥同蘿蔔蓉，味道十分開胃，做餐前小食可以提升食慾 🍊 栃尾油炸豆腐 豆腐炸得好乾身，配上日本青蔥粒同白飯魚仔，食起上嚟口感清脆，適合做餐前小食 🍊 鐵盒燒廣島生蠔 半打廣島蠔先用清酒係鐵盒煮熟，原味可以食到蠔嘅鮮甜味，鍾意濃味嘅朋友可以加鮮檸檬或辣椒汁，鍾意拉絲芝士嘅朋友可以加$48，有預熱咗嘅原塊Raclette Cheese以半溶嘅狀態撥落去蠔上面，芝士幼滑濃郁，食落去邪惡感滿滿 🍊 炭燒名古屋雞 名古屋嘅雞出咗名好食，呢度炭火去燒切成粒粒嘅雞，雞肉仍然非常嫩滑，而且味道帶有炭火香，上菜時仍然有蠟燭座熱雞，令到燒雞仍然保持熱度 🍊 鮎魚 呢度嘅烤魚係用咗炭火燒，所以烤出嚟嘅魚帶有濃郁嘅炭火香味，魚肉非常嫩滑，烤嘅時間啱啱好，魚皮亦都烤到香脆，可以配上鮮檸檬汁，雖然鮎魚有好多條細骨，不過全部都係軟骨，可以食埋落肚 🍊 燒粟米 粟米切得細細件，非常容易進食，表面塗上大量牛油，燒濃烈嘅牛油香味，粟米咬落去都鮮甜多汁 🍊 明太子芝士蛋卷 芝士蛋卷用鐵板上菜，可以保持到食物嘅熱度同溫度，蛋卷嘅熟度煮得啱啱好，蛋嘅口感非常嫩滑，配上拉絲嘅芝士、明太子沙律醬同日本青蔥粒，味道帶點明太子嘅鹹鮮同芝士嘅濃郁 🍊 牡蠣雞翼 將蠔肉釀入雞翼裏面，再用鹽燒去燒熟，雞翼嘅外皮燒到好香脆，入面嘅蠔肉軟滑，口感有層次幾特別 🍊 自家製免治雞肉 免治雞肉棒用咗汁燒，雞肉腍身而入面混合爽口嘅雞軟骨，配上日本生雞蛋同醬油，味道十分經典 🍊 極上檸檬燒酒蘇打 將新鮮檸檬片排成一行去雪凍，製成檸檬片冰條，再放入雪成冰嘅燒酒冰塊同梳打水，外觀非常吸引，味道帶酸，加埋燒酒同梳打水嘅氣泡可以解去串燒嘅油膩感 📍 灣仔皇后大道東202號QRE Plaza 6樓 位置就腳：🍊🍊🍊🍊🍊 餐廳環境：🍊🍊🍊🍊🍊 食物味道：🍊🍊🍊🍊🍊 整體CP值：🍊🍊🍊🍊🍊