泰排檔

Cw Ng 2 個月前

今日試到中環大館附近嘅米芝蓮泰國菜，一去到已經好多人排隊，絕對係人氣紅店。一睇餐牌已經見到各種泰國街頭美食，好似船麵、泰式炒金邊粉、泰式小食同泰式甜品等等，而且餐廳嘅概念同泰國thongsmith一樣，加上餐廳嘅食材九成都係泰國直接進口，真係直接還原泰國風味。 主食方面，分別試咗和牛船麵同泰式炒金邊粉。船麵嘅湯底勁濃郁，食得出加咗好多泰國嘅香料，金邊粉索晒啲味超好食，而且和牛超嫩口，肉丸都爽彈多汁，真係值得一讚！泰式炒金邊粉好有鑊氣，而且虎蝦超大隻，食落彈牙爽口！ 粟米蝦餅都做得好出色，首先塊蝦餅超大嚿，外皮黃金香脆，內裏鮮嫩多汁。咬落去超彈牙同juicy，加埋泰式甜酸醬惹味可口。 估唔到甜品最有驚喜，開頭以為只係一個雪糕球，點知賣相超級靚，有好多裝飾仲有糯米飯斑斕雪糕味道仲好濃郁，花生碎、榛子醬、椰肉等等令成個甜品口感更豐富！ 飲品叫咗泰式奶茶同青檸梳打，泰式奶茶嘅茶香好夠，而且同奶味融合得好匹配，絕對係泰國飲到嘅味道，青檸梳打就好fresh。

Esther Lee 3 個月前

聽過泰排檔呢個名好耐了，開頭係佐敦係首間店舖，隨後係中環開設分店，畢竟系2025同2026年米芝蓮店，人氣依然不減，繁忙時間要排隊。餐廳概念系同泰國thongsmith一樣，而且各種地道泰國街頭美食，餐廳9成食材都系從泰國直接入口。 🐔 沙爹雞串 $108 雞肉串夠嫩滑，沾上沙爹醬亦滋味🍢 ⛵️ 和牛船麵 $118 食泰國菜好中意食船麵⛵️有和牛🐮牛丸，炸豬皮，有八角，肉桂等香料，入口濃郁。麵條掛湯，和牛油脂豐富，牛丸夠彈牙。 🦀 蟹肉炒飯 $128 味道層次分明，吾系單靠重鹹調味。上桌時米飯粒粒分明，乾身不油膩。蟹肉份量有誠意，食到海鮮甜味。 💚 泰式斑蘭雪糕 $68 斑蘭雪糕表面有大量朱古力醬，仲有椰子片🥥椰果，淡淡斑蘭味充滿夏日風情🌴配埋椰果同朱古力醬感覺亦不俗。

Cool Circle 4 個月前

呢日我哋嚟到中環近大館附近嘅泰排檔，整體都好有驚喜！ 和牛炒飯 炒得好香，粒粒分明，仲有鑊氣。和牛嘅油脂香滲透落每一粒飯，食落超正！牛肉亦好有彈性，口感一流。 泰式炒河（豬肉） 豬肉煙煙韌韌嘅口感，真係幾特別！配料亦好多，有菜、雞蛋、酸蘿蔔等等，層次好豐富，食落好有咬口同層次。 泰式炒芥蘭 份量唔少，炒得夠鑊氣，菜味帶香，爽口又唔會太膩。 泰式奶茶雪糕 超級有驚喜！賣相靚之餘，味道更係掂。雪糕好滑、好香，奶茶味道濃郁到位。 而且仲配咗榛子醬、花生碎、涼粉同糯米飯、椰肉等等，口感層次好豐富 整體嚟講，呢度嘅嘢食質素都好高，真係好有泰國嘅味道

Janice Wong 4 個月前

之前已經想去佐敦店，不過又要過又大排長龍，所以就卻步⋯⋯知道中環有分店，呢日lunch time 就去咗試，好彩醒目12點前到等開門，佢都好似泰麵咁，一開門就好快坐滿😮 餐廳裝修比較簡樸，雖然唔似泰麵咁，一去到就覺得好似去咗泰國咁，但係呢度會令你覺得你係去咗一間好humble 嘅小店，有趣嘅係佢門面掛咗啲紅燈籠，真係令你有諗起大排檔呢三個字！ 試咗佢地個豬肉船麵 ，湯底濃郁，但又唔會太鹹，同喺泰國食到嘅好相似，都係嗰種深色濃稠有放新鮮豬血嗰種⋯⋯金邊粉煮得剛好，軟硬適中，不過如果可以熱啲就好喇😬 朋友就試咗佢哋個泰式雞肉炒河，係最好味嘅濕炒河！炒河濕炒得剛好，唔會油膩，雞肉都好入味，河粉唔會炒一pat pat，仲好Q彈 😋 份量方面都ok，基本上都夠飽。我哋種試咗佢哋個雞沙爹，呢個就正常口味，雖然冇咩特別，但味道都唔差👌🏻 整體呢度食物價錢同質素都喺中環區黎講係成正比嘅，都係一個中環泰菜好選擇，尤其係想食泰式輕食但又唔想花太多錢嘅時候，可以試試！

Homa chan 4 個月前

中環泰式風味Thai Pai Dong 今日同家人去咗中環行街，去大館之後經過呢間餐廳，見到出面裝修幾特色，原來係米芝蓮餐廳黎，眼見都有人排隊。上網睇下原來都幾多人排隊食，就入去試吓。 之前聽過呢度有啲水準，今日試完果然無令我失望。 蟹肉炒飯： 飯粒炒得好乾身，鑊氣十足，最緊要係蟹肉份量幾足粒粒都好大舊，啖啖肉，蟹肉仲好鮮甜，係真蟹肉嚟！好好食，而且d飯唔會炒得好油膩。 炒芥蘭： 我叫咗走辣，依然好惹味，芥蘭炒得啱啱好， 嘅鮮甜同爽脆，調味亦好好，唔太鐘意食菜都好食到食哂成碟。 芒果糯米飯：絕對係必點！芒果夠熟夠甜，糯米飯十分軟糯，份量都幾多，配料勁脆口，配埋椰漿，平衡得啱啱好。 芒果熱情果沙冰 芒果熱情果沙冰：酸酸甜甜好開胃，仲有d熱情果籽好有咬口，好香好濃芒果味道，十分涼快。 新鮮椰青：椰青真係好新鮮，飲落都好清甜，飲完好解膩又清涼，如果點d熱氣野一定要點椰青配。 呢到嘅概念係同泰國thongsmith一樣。而且仲有齊哂好地道泰國街頭美食。 睇過資佢地有9成食材都是從泰國直接入口，真係置身泰國食野咁。 服務員都好親切同埋有禮貌。成餐飯食得好滿足，環境同食物質素都對得住呢個價位，嚟開中環呢度絕對係一個好選擇。