百樂潮州酒家 (大少店)

Cheng Vic 2 個月前

同家人去咗一間喺銅鑼灣嘅高質潮州菜，因為部分菜式因為製作需時而需要提早預訂。妹妹安排訂咗三個菜式，分別係「龍穿虎肚」、「潮式薑米鴿」同「四寶片皮雞」，呢三款都係潮州獨有嘅功夫菜，今次有幸品嚐到真正潮州嘅美食。 🐉「龍穿虎肚」 曾經失傳嘅菜式，即使到家下，都唔係太多潮州菜館會做呢個菜式。簡單嚟講係用豬腸釀鱔，製作過程非常繁複嘅功夫菜，睇過店嘅介紹做法，係完全唔會想自己試下做嘅打算。本身要將鱔起骨已經係一件極難嘅事，加上要做到鱔肉剛熟，豬大腸炸得夠脆，只有非一般嘅大廚先可以做到。 上菜時視覺上係極度震撼，豬腸配鱔呢個配搭係冇得頂，先嚐到豬大腸嘅香味，口感帶點微脆，然後係爽口彈牙嘅鱔肉帶出嘅魚香味，最後係蘿蔔嘅清新甜味，一步一步散發出唔同嘅層次感。另外店清理豬腸十分乾淨，冇過多嘅肥膏，鱔肉亦冇泥味，的確係一道上乘嘅菜式。 🐦「潮式薑米鴿」 呢道絕對係全晚嘅靈魂功夫菜！乳鴿就食得多，但釀入糯米飯嘅「潮式薑米鴿」，真係極具特色，絕對係必點菜式！ 乳鴿烤到金黃香脆、皮薄如紙，最厲害嘅係已經做咗無骨處理，咬落去肉質鮮嫩多汁，唔使吐骨咁麻煩，食得極之優雅。乳鴿入面釀咗煙韌嘅糯米飯，裡面配埋有咬口嘅蝦米粒，輕輕釋放出陣陣鹹香。喺高溫烘烤下，乳鴿本身香濃嘅油脂完全滲透入每一粒糯米入面，再夾雜住淡淡嘅薑米香氣，去膩提鮮，香氣層次直接提升。 我哋8個人食一隻鴿，店員非常貼心咁幫我哋分成8份，方便大家分享。 🐔「四寶片皮雞」 同樣係極難做嘅功夫菜，以製作炸子雞嘅方式淋油，直至雞皮夠脆，更要片皮、起肉、去骨同將雞肉切絲。而呢個菜式唔只係雞，仲有最底層嘅海蜇，中間層嘅西杏、花生、提子、紅莓乾、腰果、合桃等等，再鋪上雞絲，最頂層鋪片好嘅雞皮，再還原整隻雞嘅模樣，實在好花功夫同心機。 呢個菜式嘅口感極具層次感，爽脆唔油膩嘅雞皮，肉質鮮嫩爽滑嘅雞絲、爽口嘅堅果同具彈性嘅海蜇一齊伴食，令到口感更加豐富，亦能夠將雞嘅鮮香味更進一步提升。 🪿「鵝肉拼鵝肝加拼鹵水鵝腸」 一間潮州菜館得唔得，睇佢哋嘅鹵水嘅菜式就知。原本我哋係諗住點鵝片，經理介紹我哋食鵝肉，話鵝肉會比鵝片嫩滑，我哋就接受意見，試試鵝肉。 呢個拼盤分別有鵝肉、鵝肝同鵝腸，底部舖咗一層鹵水豆腐。如經理所推介一樣，鵝肉嘅表現令人驚喜，肉質極其嫩滑，保留咗豐富嘅肉汁，而且鹵得好入味，味道控制到啱啱好。 鵝肝嘅味道更加出色。首先係鵝肝切得厚薄適中，口感粉嫩，而且質感極佳，鵝肝溶入到脷上，完全感受到油脂嘅香氣非常濃郁，完全沒有內臟嘅腥味，同醇厚嘅滷汁完美融合。 鵝腸處理得非常乾淨，完全冇多餘嘅油脂同雜味。食落爽脆有彈性，加上醇厚嘅滷汁，真係非常惹味。鍾意食鵝腸嘅我，真係想encore叫多碟淨滷水鵝腸嚟食。 而鹵水豆腐係出奇地出色，平時出面食嗰啲豆腐都係比較「鞋」口同邊皮好柴，但呢個嘅豆腐係做到非常嫩滑，入口即溶，加上鹵水、鵝

Kyan Tsang 4 個月前

紮根香港超過半世紀嘅潮州菜餐廳 百樂潮州酒樓 (大少店) 由上年12月重返銅鑼灣✨ 由第三代秉持住「繼續傳承」理念 為傳統手工潮州菜注入創意元素😍 必試傳統滷水拼盤🥢 有齊鵝肉.墨魚.豆腐.豬腳根及鵝掌翼 當中最鍾意軟嫩嘅鵝肉及充滑膠質嘅豬腳根👅 芋茸酥帶子炸得外脆內軟 入面夾住綿密嘅芋泥蓉及鮮甜帶子😚 蘿蔔灌漿外皮香脆 食到清甜嘅蘿蔔絲及蝦米等餡料✨ 紅燒魚鏢海皇羹湯頭濃郁 融入魚鰾.花膠及蟹肉等 非常鮮味👍🏻 石榴雞係經典手工菜式 賣相好精緻❤️ 蛋白外皮包裹住雞肉.筍及冬菇等食材 香滑多汁 辣椒膏虎蝦配烏冬酸辣滋味 大大隻虎蝦爽口彈牙 配搭夠晒開胃😍 最後以清心丸綠豆爽作結 係夏天嘅清暑良品‼️ /𝙒𝙝𝙖𝙩 𝙒𝙚 𝙀𝙖𝙩/ ❀ 鴻運滷水五彩拼盤 ❀ 芋茸酥帶子拼蘿蔔灌漿 ❀ 潮式紅燒魚鏢海皇羹 ❀ 辣椒膏虎蝦配烏冬 ❀ 石榴雞 ❀ 清心丸綠豆爽

Annie Annie 5 個月前

依度食到其他地方少見嘅功夫菜，菊花石榴雞賣相十分精緻，蛋白外皮包裹住雞肉粒、蝦膠，隱約透出餡料🌼 蘿蔔灌漿外層嘅腐皮輕薄香脆，中間嘅餡料有蘿蔔絲、花生碎、芹菜、芫荽等等，層次豐富非常香口；芋蓉酥帶子嘅蜂巢外層香酥唔油膩，芋泥口感細膩！

Benson LAI 5 個月前

🌟滷水五彩拼盤 這道拼盤最特別之處在於加入了豬腳筋，腳筋更能吸收滷水的陳年醇香，且口感十足，與軟滑的鵝片、富含膠質的鵝掌翼以及爽脆的墨魚形成鮮明對比。 🌟芋茸酥帶子 澳洲帶子厚實鮮甜，被外層綿密香滑的芋茸緊緊包裹，高溫油炸後外皮如蜂巢般鬆脆。咬下去先是酥脆，其後是芋香與帶子的肉汁，層次感極強。 🥢 潮式蘿蔔灌漿 極考功夫的手工新作！外層腐皮輕薄香脆，內餡包裹著清甜蘿蔔絲、瑤柱與多種配料，層次分明，完美演繹傳統手工菜。 🦐 辣椒糕虎蝦烏冬 選用越南大虎蝦，配以泰國辣椒糕快炒，鮮甜彈牙之餘仲帶點惹味，非常開胃。 🐔 菊花石榴雞 經典手工名菜！展現極致刀工，外型精緻如石榴，入口鮮嫩細膩。 🥣 魚鏢海皇羹：融合泰國潮州僑鄉傳統與紅燒翅精髓，湯頭醇厚溫潤，啖啖真材實料。 最後再以清心丸綠豆爽作結，甜甜蜜蜜最啱一家人share！糖水控絕對不能錯過。🍡

Helen Hosim 7 個月前

百樂潮州大少店～銅鑼灣利園一期的士站隔離地舖～今晚試埋晚飯㖭🥳 農曆年近了～佢哋有新菜單，又或者你可以搵經理根據budget寫菜單，又一個飽到上天靈蓋嘅晚上😆 🧧（新菜式） 🌟凍鮑魚 🌟滷水拼盤（鵝肝鵝腸、豬腳筋必叫！） 🌟鴻運大四拼（香煎蝴蝶金好蝦棗蟹棗必叫！） 🧧龍鬚蝦 （嘩虎蝦好大隻） 🌟胡椒豬肚湯 （必叫） 🧧普寧豆醬焗肉蟹 （都成斤重） 🌟沙茶牛肉芥蘭 🌟糖醋麵 （必叫） 🧧紅豆糕 原來嗰晚有螄蚶，朋友們食得好開心，因童年對螄蚶有慘痛經歷，唯有望住佢哋食🥹 佢哋年終無休，農曆年初123都照開，飲茶拜年啱晒，佢嘅粉果同埋金湯魚麵都好正🥳 🐎🍊～大家都要身體健康，事事順心，食極唔肥吖😆🥳