正潮樓 (銅鑼灣店)

go go 2 個月前

聽說好多城中名人、食家、藝人都喜歡這間餐廳 🔹️ 香煎韭菜粿 $68 外層煎至金黃 邊位帶微微焦脆 碟邊沒有多餘油漬 入口外皮薄而微脆 內餡非常多韭菜 香味突出 口感層次分明 🔹️ 梅汁焗豬手 $168 最驚喜的一道😍 豬手燜至通透 再以梅汁焗香 上桌時色澤紅潤帶光澤 充滿膠質 豬手煮得非常軟腍但不爛 一入口即骨肉分離 皮層充滿骨膠原 入口啫喱感豐富而不油膩 梅汁酸甜度剛好可以解膩 🔹️ 肉碎蠔仔粥 $198 一大煲上桌 粥底煲至米粒軟綿 蠔仔份量不算少 體型偏小 但一入口便吃得出非常新鮮 沒有絲毫腥味 反而帶輕微海水鮮香 配合肉碎的油香與鹹香 令整煲粥的味道層次豐富 如果不大量點海鮮大菜 這裡的消費其實比想像中親民 每碟份量普遍偏多 特別是肉碎蠔仔粥與梅汁焗豬手 性價比頗高 適合幾個人圍枱分享

Theresa Cheng 10 個月前

同家人食飯，我哋通常都會試新餐廳，今次就揀咗一間潮州菜。一入門口，經理話只剩門口位，起初有少少失望，不過經理態度非常有禮貌，自己又確實太遲訂位，所以都接受。至於菜式，真係有驚喜，好多款都幾好食。7位用餐合共三千幾蚊，性價比算唔錯。

Ng Ariel 1 年前

要問潮州菜推薦，腦海一定會第一時間浮現正潮樓😎這次來到銅鑼灣分店，裝潢比灣仔設計更有特色，很適合跟家人聚餐👍🏼 🍲火腿護國菜 $78 第一次聽護國菜這款菜，原來是番薯葉與上湯熬成的湯羹，並以火腿提味，味道清新。 🐦鹵水鵝片 $168 份量大但絕無偷工減料！無骨鵝片啖啖肉，鵝肉味道鮮嫩，鹵水與鵝肉融合，每咬一口軟腍的鵝肉都充滿濃濃的鹵水味。碟底還有嫩滑的鹵豆腐，都是很入味。 潮汕煎蠔烙 $128 吃潮州菜當然要點蠔餅🫓火喉控制得很好，蠔仔份量頗多而且十分飽滿。餅底煎得香脆，還有微微蛋香。 🐥川椒雞頸肉 $168 好奇雞頸的外型，第一次品嘗這個部位，想不很有驚喜！師傅炒得很有鑊氣，帶有微微花椒八角麻辣味道，送飯一流！ 🦐蝦棗拼蟹棗 $168 一上枱就聞到陣陣香炸的味道，兩款棗都炸得非常酥脆。蝦棗爽滑鮮香，配上爽口的沙葛及肉碎，口感十豐富👍🏼而蟹肉滿滿的蟹棗，爽口彈牙，蟹肉突出。點上潮州桔油，酸酸甜甜將鮮味帶出之余又不會感覺油膩。

Maisy Wong 1 年前

香港🇭🇰搵食 《高質高檔出色潮州菜@正潮樓》銅鑼灣美食Hong Kong Food @Causeway Bay 大家姐話好奈未有食潮州菜，想去潮一潮佢。朋友極力推介我去正潮樓，早2日就特登過去銅鑼灣滿足大家姐既食慾。 去到門口見到🏮大紅燈籠高高掛🏮，完全感受到古色古香嘅中式風，店內裝潢典雅舒適，座位寬敞舒適。 入座後，一位招呼周到嘅男侍應先送上功夫茶，跟住仲有菜脯及脆花生作餐前小食。睇完餐牌我哋最後決定每人各自叫1set晚市特價套餐， 這呢款套餐可以喺四款名貴菜式入邊選一款，包括有： 💎「紅燒魚翅」（$568/位） 💎「紅燒燕窩」（$568/位） 💎「厚菇焗鮑魚」（$488/位） 💎「厚菇炆海參」（$438/位） 之後仲可以係餐牌上指定的二十款菜式隨意配搭，1-2位可選3款，3-4位可選5款，餘此類推，我哋2人就揀咗「厚菇炆海參」配「滷水拼盤」、「脆皮九肚魚」和「方魚蠔仔粥」。 🥥厚菇炆海參 海參超級肥美厚肉，我哋第一次食咁大條海參，海參炆得好腍好入味，口感充滿骨膠原嘅感覺，超正。 🥥滷水拼盤 滷水菜式係正潮樓既招牌菜之一 ，必點，拼盤有鵝片、豬腩肉、鵝紅和滷水豆腐，全部都滷得非常入味，鵝肉非常嫩滑，鵝紅爽滑而富口感，豆腐口感鮮嫩。 🥥脆皮九肚魚 炸得非常香脆，食落好香口。 🥥方魚蠔仔粥 方魚蠔仔粥份量大大碗，配有胡椒粉，蠔仔非常飽滿鮮甜，蠔仔粥配上方魚、芹菜、芫荽，鹹鮮味剛好，令人食唔停口呢。

Malka Yiu 2 年前

作為一個切切實實嘅潮州妹，基本上好少喺香港會特登走去食潮州菜。因為總係覺得食唔番細個嗰陣時嘅味道。 講起呢間貴價嘅潮州菜好似好受歡迎咁，今日終於回一回佢。一坐低佢就會俾咗四杯功夫茶俾你先，呢個動作確實令我好懷念，因為功夫茶我真係由細到大，但係就略嫌佢呢四杯welcomedrink有啲淡。 潮州菜一定要食滷水鵝，我哋叫咗個下庄，一嚟到見到都幾啖啖肉，外貌令我哋好滿意，而且份量都真係有比足，唔會得啲骨。 一夾起見到啖啖肉已經勁開心，食落去仲正正因為真係好腍好入味。呢個滷水鵝我令我好滿意。 另外我哋叫咗個魚露花甲，擺盤做得好精緻，每一粒大細均秤，好完美地放晒喺度。 最重要係佢洗得好乾淨，完全冇沙。而乳酪嘅份量都啱啱好食到花甲嘅鮮甜味亦都大咗點鹹香。 另外我哋叫咗個春菜煲，呢個春菜煲我會形容為媽媽的味道。因為媽咪以前整嘅時候就係呢種味道。啲春菜炆到有啲腍，個湯底係用肥豬腩去熱鑊之後先至再加菜，所以個湯係充滿菜嘅香味。 話明貴價潮州菜，又有1/4隻高質滷水鵝，人均$400呢個價錢我覺得差唔多啦。見佢仲有其他信用卡優惠或者套餐，諗唔到食咩又唔鍾意散叫嘅話，嗌佢啲優惠套餐都唔錯㗎。