Cupping Room (觀塘)

cpy cat 3 個月前

陪伴香港人成長嘅「太古糖」邁入145周年，今次聯乘 @cuppingroom.hk 推出「啡嚐不可」限定活動！將一句句窩心廣東話打氣語句印喺咖啡糖包上，沖咖啡時加一點糖，亦加一份鼓勵～ 🍝 黑松露蟹肉意粉 ($138) 用上蟹肉、菇、少少魚籽醬作點綴，一上枱已經聞到松露混合忌廉嘅香氣。意粉彈牙，醬汁份量剛好，份量都多 🍰 Pistachio Basque Burnt Cheesecake（$68） 由著名甜品店 La Viña 嘅甜品主廚 Ricky 使用 President 奶油芝士製作，開心果香突出，蛋糕質地香滑綿密，減甜配方令芝士感同甜度啱啱好，唔會過膩～mini size 四五啖就食完！ 🍞 Creme Brulee French Toast（$108） 外層金黃，內層濕潤鬆軟，盡吸雞蛋同牛油香，充滿楓糖漿甜香 🥥 椰香抹茶鮮奶咖啡（$55） 漸層最岩打卡～ 🍎 蘋果冷泡茶 ($48) 呢款係期間限定飲品，清甜解膩 🎁 145周年限定禮品活動（只限中環及觀塘apm分店） ▪️ 購買任一期間限定飲品，即送「145周年限定金句咖啡糖包」或「145周年迷你環保袋」乙份（隨機派發） ▪️ 消費滿指定金額（必須包含期間限定飲品），即送「145周年方糖公仔」或「145周年環保袋」乙份（隨機派發） 📅 活動推廣日期：6月1日至6月30日 🎁 數量有限，送完即止！

Ng Kenix 3 個月前

🔹忌廉明太子蟹肉意粉 $128 蟹肉面鋪咗三文魚籽，提升高級感；蟹肉幼嫩鮮甜，三文魚籽鹹鮮濃郁，配搭埋微辣辛香充滿鹹香嘅明太子意粉，好夾好滋味 🔹辣味柚子雞翼 $78 皮脆肉嫩又入味，集鹹甜酸辣於一身，食到清新嘅柚子味道 🔹春日蘋果氣泡咖啡 $55 醇香咖啡配搭酸中帶甜蘋果果香，毫無違和感且甜度啱啱好

Diva Yeung 5 個月前

男和女侍應態度差劣，基本連水都唔肯斟，拜托唔好做服務行業。坐咗2個鐘，冇人加過水。我哋張枱7個人，7個人都吉杯，麻煩幫手加水，懶到淨係加枱出邊嘅3個人，仲要分別男女侍應都係咁。野食一般，$188碟三文魚好乾，硬到𠝹口，夾硬食都食唔晒，剩低咗。咖啡冇特別，唔會有下次。

Dee Leung 6 個月前

叫咗一杯手沖咖啡，點知嚟咗一杯very dirty ! 嚟咗一壺手沖咖啡，咖啡壺裏面充滿黑色嘅污垢，叫服務哥仔過嚟問係咪正常？ 之後佢就將舊咖啡壺裏面嘅咖啡倒落個新咖啡壺度俾返杯手沖咖啡我！ 問我甘樣得唔得？ 我反問佢一般污糟咗嘅咖啡都落咗新杯度，你接唔接受到？之後佢冇理我就走左！ 之後再發現換咖啡壺，即係圖中嘅咖啡壺淘，都係充滿黑漆漆，很厚嘅污跡！ 身為一間精品嘅咖啡店，啲杯仲污糟過大排檔！ 真係不能不分享！ 污糟係其一 服務哥仔有同咖啡師反應，咖啡師都係同意甘做！ 我簡直覺得有種有辱啡民 一壺手沖咖啡，你咁樣將啲咖啡倒一個凍的咖啡壺裹，無論咖啡嘅溫度風味，已經全部破壞晒！真係覺得無言以對

P F (peggie.dailylife) 11 個月前

本土人氣精品咖啡店Cupping Room 最近有新搞作，適逢十月Oktoberfest 德國啤酒節🍻，請來米芝蓮推薦餐廳Heimat 主廚Peter Find，打造三款期間限定菜式，呈獻正宗德國🇩🇪滋味🥨。 🥪 Strammer Max – 特製冷燻黑森林火腿三明治，鹹香濃郁、層次豐富。 🍳 CR German Inspired All-Day Breakfast – 招牌All-Day Breakfast 融入德國風味，精選四種不同的德國腸，配搭嫰滑炒蛋及外脆內軟的蝴蝶餅，滋味加倍豐盛。 🌭 Ultimate Curry Bratwurst Sausage with Pretzel Roll and Fries – 熱狗是經典德國街頭美食，以特製咖喱醬為香腸調味，倍添醇厚風味。