豪宴薈

DaDa星人 4 個月前

【銅鑼灣高質中菜】 放工大滿足！ 超震撼原隻爐燒片皮鴨＋足料巨型冬瓜盅 🦆 ｜豪宴薈 放工個人謝晒，梗係要搵餐好嘅嚟慰藉下自己同個胃！今日同朋友去咗「豪宴薈」，叫咗幾款招牌菜，真係驚喜滿分，性價比極高！ 🍲 八寶迷你冬瓜盅 一上枱個賣相已經好震撼，原隻大冬瓜誠意十足！一揭開蓋鮮香味即刻衝出嚟。入面足料到爆，有鮮蝦、夜香花等配料。飲落口清甜無比，由喉嚨舒緩到落個胃，熱辣辣非常治癒，極力推介！ 🦆 廣東片皮鴨（原隻） 呢度嘅重頭戲！估唔到可以用咁震撼嘅優惠價食到原隻片皮鴨。師傅片得好靚，鴨皮烤到油亮有光澤，一啖咬落去脆到「卜」一聲！配埋煙韌嘅餅皮、青瓜絲同甜麵醬，層次好豐富，不知不覺食多咗幾件，鴨肉控必試！ 🍍 脆盞咕嚕肉 賣相非常有心思，用巨型嘅黃色脆盞盛載住。咕嚕肉炸得外脆內軟，啖啖肉之餘，酸甜醬汁調得啱啱好。夾埋舊菠蘿一齊食，一邊話要減肥一邊停唔到口，夠晒邪惡！ 🍩Dessert 結尾仲有中式糖水（馬蹄露同紅豆沙），心理同胃口都大滿足，簡直係放工後嘅完美句號。餐廳環境濶落，坐得舒服，非常啱同屋企人或者朋友聚餐！ 想知道點樣可以喺「豪宴薈」免費食到點心？ 快啲去IG @dada1314131 留言「免費」，我會私信話你知秘訣！🔥 #豪宴薈 #HoYinBanquet #afternoonteahk #香港美食 # hkfood hkfoodie hkfoodlover

Nicole Yip 4 個月前

今日同屋企人去食飯，無意中發掘到呢個超靚嘅粉紅玫瑰花牆，一到門口就忍唔住要瘋狂打卡 📸！ 估唔到入面環境咁精緻舒適，氣氛熱鬧得嚟又不失雅緻。最加分嘅係班職員服務非常慇勤，令人好有歸屬感、好親切 🥰。 原本以為環境咁靚收費會好貴，點知睇到佢哋平日晚市嘅「開心孖寶套餐」，驚喜到要即刻試吓！ 平日只需 $368（原價 $538），就有齊一整隻約 1 斤重嘅上湯焗西澳洲龍蝦同埋半隻脆皮吊燒雞，仲送埋稻庭烏冬底，真係好抵食！ 上枱時隻龍蝦真係啖啖肉，肉質鮮甜彈牙 🦞，最精華係底下索晒龍蝦汁嘅烏冬，又香又滑！ 隻吊燒雞皮脆肉嫩，點埋南乳醬一齊食更惹味 🍗。我哋另外加配咗「金沙黃金蝦球」，粒粒大到好似帶子咁，鋪滿鹹蛋黃超級香！ 平日嚟佢哋仲有多款小菜優惠（好似鹽燒大連鮑魚、老壇酸菜魚、百寶迷你冬瓜盅、花雕醉乳鴿）任選一款只需 $78 起。 最貼心係食到最尾仲送埋料超足嘅馬蹄爽同紅豆西米糖水，用了認真一啲都唔 Hea 🥣！ 呢度上菜快、環境好，啱晒嚟緊家庭聚餐或者同朋友聯誼。食飽飽散住步去附近行吓街，行程簡直完美 💚

Foca Foca 4 個月前

今次顛覆了老人家的傳統規條，轉換了每日飲茶地點，來到這家誠意十足的茶樓。 首先下午茶性價比超高，大約$400便能品嚐十多款精緻點心，份量十足。招牌蝦餃皇、蟹籽燒賣皇、干蒸牛肉燒賣、香茜瑤柱餃及魚腐鮮蝦水餃隻隻大大隻，皮薄餡靚，三籠已經飽肚。蜜汁叉燒腸叉燒份量豐富，咬下啖啖叉燒；燒鵝瀨粉則瀨粉彈牙新鮮，再配上爆汁脆皮燒鵝，堪稱絕配。 另外燒味方面尤其出色，脆皮燒腩仔肉嫩肥美，而紅燒妙齡乳鴿亦熱辣辣香氣四溢。此外滋補藥膳鳳爪口感黏口充滿骨膠原又帶有藥材味道，簡直養生好食。 最讚是VIP房環境安靜舒適，擁有超大景觀，適合慢慢食返一盅兩件，輕鬆享受悠閒下午茶的滋味。

Camy Chung 5 個月前

今日啲餸菜太咸，魚香茄子，超鹹超多油。通菜超鹹。叉燒又老又殘，豆腐又老又凍又鹹。條魚啲肉霉嘅，蒸魚落嘅豉油超鹹。 已經被傳菜姐姐激死枱面唔夠位放餸俾返啲係經佢送來的碗盎佢唔收反而放返喺枱，呢度啲女員工個個奇怪異品，想食餐安樂茶飯啫，乜真係咁難😞 激到蒸魚冇影相🙈 今晚真不知廚房攪乜嘢🙈 浪費食材 🙈 經理同年青男服務員態度非常好 只是女服務員及接待員太粗皮，如果你不是女服務員的熟客不會歡容，訂咗枱去到冇枱已經不是第一次，太差了🙈 女待應仲唔覺得自己有問題，老憑要幫襯，她永遠是對的，說話粗皮態度粗魯，言語字眼上就算冇攻擊，但態度同樣貌已經明顯表示係客人唔啱，領導們和店內的經理們請好好訓示她們吖🙈 已經不是第一次這樣沒有水平的處理手法，太卑劣！ 洗手間衞生差，臭味💩渠，沒有派人定時清潔🧽

Karry113 5 個月前

咁啱之前同小朋友去觀塘嘅豪宴薈 性價比非常高 兩姊妹仲大讚點心好好味😋 今次試埋皇室堡呢間豪宴薈食晚飯🥢 餐廳環境開揚闊落 全家人都坐得輕鬆自在 ❣️紅燒BB乳鴿 BB乳鴿香氣濃郁 外皮金黃香脆 咬落入面肉質嫩滑多汁 非常香口惹味 大小朋友都啱食😋 ❣️紅酒🍷燴牛尾煲 融入香濃紅酒🍷醬汁嘅牛尾味道特別香甜濃郁 肉質軟嫩 入口即化 帶有滿滿嘅膠質 炆煮過嘅紅蘿蔔🥕 腍軟入味 口感豐富 滿載層次 😍 餐廳做緊晚飯 四大優惠 每枱可以點一款 ❣️<特>鹽燒大連鮑魚6隻 鮑魚大大隻 啖啖肉 鹽燒過嘅鮑魚外層酥香焦脆 肉質彈牙 鮮嫩多汁 味道鮮甜😋 ❣️瑤柱蛋白炒飯（碟） 面層鋪上滿滿嘅瑤柱乾 香氣撲鼻 配上滑嫩蛋白同切碎嘅芥蘭莖 口感豐富帶鹹香 炒飯粒粒分明 口感清爽唔會油膩 做得好出色 連阿囡都大讚好味🤤 食唔停口 ❣️蒜茸西蘭花🥦 蒜香濃郁 西蘭花🥦炒得清脆爽口 非常清新🌱 ❣️沙嗲粉絲肥牛煲 熱辣辣嘅肥牛煲沙嗲味道濃郁 夠晒醒胃惹味 肥牛肉質軟腍嫩口 帶鹹香微辣🌶️ 金菇口感爽脆 粉絲吸收咗沙嗲湯汁 味道特別香濃 口感軟滑 整個煲仔菜層次豐富 送飯一流嘅小菜☺️ 所有菜式價錢公道 款款有水準 適合一家大細/朋友聚餐