Social Place

smilesmile share 2 個月前

同同事lunch去唐宮小聚飲個茶~ 最岀名沙田乳鴿點可以唔嗌，肉嫩多汁 堂食價$49，仲要平過外賣 魚香脆茄 茄子外型幾盞鬼，入面肉粒有少少魚香味 鮮蝦芙蓉 皮薄，入麵食得岀蛋白，豆腐，一粒粒細蝦粒 水煮魚春捲 外皮松脆，入面真系水煮魚辣汁，完全唔洗沾汁，中間有條魚，系岀面從來未食過 擔擔拉麵（辣汁另上） 好香花生味，帶有辣椒味，花椒味，相對會比較辣，辣汁可另上，按個人口味調節 黑糖糍粑 沾上黃豆粉，糍粑外脆內嫩，不斷浸岀黑糖味，飯後甜品一流

Joey Leung 2 個月前

餐廳主打新式中菜點心，空間感十足 味遊九宮格伴湯麵 木盒裝滿九款小食，包括糟滷醉蝦，花雕醉雞，燻蛋，沙薑豬手，四喜烤麩，雷椒茄子，芝麻萵筍，酸菜青豆，醬汁蘿蔔，賣相精緻，再伴湯麵好開胃 沙田乳鴿 乳鴿外皮金黃香脆，一咬落去仲有肉汁爆出，肉質嫩滑 鮮蝦芙蓉 餃皮煙靭，包住幼滑既鮮蝦蛋白白玉菇內餡 非常山竹 外型好似山竹，入面包住龍蝦肉，外脆內軟 得意爆豬 將可愛嘅豬仔造型奶凍放入浴缸中，加上酸酸甜甜既爆珠，層次豐富 純手工酸奶 用咗100%澳洲無添加牛奶，以8小時發酵而成，口感醇厚絲滑，仲有豐富嘅活性益生菌

kelly cheung 2 個月前

中上環返工，lunch 歎高質粵菜～ 皇后大道中L Place 絕對係返工人Lunch hidden gem！餐廳裝修走輕粵式風，燈光柔和唔逼夾，兩個人坐開闊卡座，傾計感覺chill，落單上菜節奏剛剛好。 冰鎮咕嚕肉 ～賣相超靚，外皮冰凍脆卜卜，酸甜汁唔會太膠，菠蘿有汁，開胃一流。 臘味煲仔飯 ～我選擇走辣，瓦煲上，燒到邊緣微焦，臘腸臘肉鹹香，飯底滲滿油脂，底下厚厚一層金黃窩底，吸盡醬油香，堂食減$10都幾抵！ 沙田乳鴿 一定要order！表皮烤得琥珀油亮，輕輕一撕有肉汁流出，肉質唔柴，有椒鹽鹹香。 海鮮灌湯包 ～我地一人一盎，咬開很多鮮湯，蝦肉豬肉彈牙，加少少醋，更添風味。

Fung、Oi Lang 4 個月前

中環真係密密麻麻餐廳嘅戰場…但今次我去咗呢間精緻中餐館~唐宮小聚 (The L. Place)都幾有驚喜！ 最重要係：佢哋呢個2️⃣人套餐 $3️⃣8️⃣8️⃣夠晒抵食😆✨ 首先有開胃小吃 🍶 花雕醉雞 - 一上枱就聞到陣陣花雕香味，雞肉口感好鬆軟，仲夠香、滑、同帶少少醉香😋 小炒方面: 🥟 沙田乳鴿 - 乳鴿皮脆肉嫩✨ 肉質細緻，完全唔會乾，反而係好香好 juicy！有驚喜! 🍋 冰梅一口骨 - 呢味酸酸甜甜好開胃😚 而且「一口骨」真係好方便~梅香同肉味平衡得好好，唔會太酸。 🫘 煸四季豆（含豬肉） - 四季豆炒到夠乾身又入味🥰 加咗豬肉之後整個味道更立體，仲有少少辣，非常惹味。 🍤 點心嚟啦！ 🐟 非常山竹（龍蝦汁、蟹肉） - 呢款點心外表同得意!真係成粒山竹甘🤣 龍蝦汁同蟹肉味道好濃但唔膩🦞🦀 🍤 鮮蝦芙蓉（鮮蝦、蛋白、白玉菇、薑汁） - 口感好似輕盈嘅滑蛋/蒸羹感覺😆 鮮蝦味清新，白玉菇令口感更豐富，薑汁又有少少暖胃🤍 ⚫️ 黑蒜帶子燒賣 - 黑蒜味道好香濃，同帶子嘅鮮味配埋一齊好絕😳✨ 燒賣皮唔厚唔硬，內餡飽滿又有層次! 🧅🍜 蔥油拌麵 - 最後就係呢碗拌麵😋 蔥油香得來又唔會油膩過份，拌勻之後麵條口感彈彈，味道又夠濃，成個套餐真係夠曬滿足✅

Travel Man 4 個月前

最推薦絕對係沙田乳鴿！皮脆肉嫩，肥瘦比例剛剛好，烤得香脆入味，一啖咬落去外脆內嫩，汁水豐富，味道濃郁又唔油膩，性價比超高，真係又抵食又好食！乳鴿控一定要試，食完一直讚。 另外花雕醉雞滑嫩入味，酒香十足；海鮮灌湯包一咬爆汁，鮮甜豐富；水鎮醉鮑魚彈牙有酒香；皮蛋豆腐都係經典開胃，滑嫩香濃。