築地日本料理 Tsukiji Japanese Restaurant

Clk Chan 6 個月前

今晚係銅鑼灣搵到間居酒屋風格的既日本餐廳 ，價錢較為親民一點。佢除左散叫之外，仲有多款抵食定食和刺身丼飯，同埋聽講刺身每日都新鮮運到。我叫左幾款燒物做前菜，有燒菠蘿，醬燒雞柳串，鹽燒雞中翼，鹽燒牛舌，鹽燒雞軟骨。味道都幾好，啲肉燒到啱啱好，同埋調味都唔會過鹹，都幾抵食。仲叫咗幾款壽司香芒花之戀壽司，火炙和牛，三文魚腩壽司，吞拿魚壽司，香芒三文魚腐皮。食得出啲刺身夠晒新鮮，同埋都幾夾啲口味。好多款我都好鍾意食。仲追加咗炸蝦天婦羅，南瓜蕃薯天婦羅，牛肉野菜壽喜燒。天婦羅啲炸粉好薄，夠脆口，炸蝦夠晒彈牙同埋食得出南瓜既清甜味。同埋壽喜燒夠晒大份，啲牛肉都夠嫩滑，而且都好足料。最後仲叫多咗牛油果明蝦沙律解下滯先。冇諗過呢個環境有呢個食物質素真唔錯。

Serena 6 個月前

築地日本料理｜銅鑼灣平民居酒屋🍢 銅鑼灣金百利廣場7樓呢間築地，係我哋嘅飯堂仔。樓上鋪唔起眼，但入面好有日本居酒屋feel。 今次試咗幾樣： 🔥 串燒（燒菠蘿、雞翼、雞腎、雞肉）— 菠蘿多汁，雞翼皮脆，雞腎爽口，雞肉嫩滑。 🥑 牛油果明蝦沙律 — 蝦肉彈牙，牛油果滑溜。 🥩 牛肉野菜壽喜燒 — 湯底甜鹹，牛肉嫩滑。 🍣 壽司（火炙和牛、三文魚腩、吞拿魚、香芒花之戀、香芒三文魚腐皮）— 火炙和牛油脂香，三文魚腩肥美。 整體性價比高，唔貴又滿足。會再嚟！ 📍銅鑼灣記利佐治街1號金百利廣場7樓R1室 #築地日本料理 #銅鑼灣美食 #串燒居酒屋

he he 6 個月前

築地日本料理 地址：銅鑼灣記利佐治街1號金百利廣場7樓R1室 銅鑼灣金百利呢楝樓好多嘢食，行過Sogo過條馬路就到，交通勁方便。呢間「築地」行日本居酒屋風格。而且價錢唔貴，唔使下下都食到好貴，係一間好親民嘅日式餐廳，CP值好高。有多款抵食定食同刺身丼飯，同時刺身每日都係新鮮運到！ 牛油果明蝦沙律 － 清新之選，牛油果夠熟夠軟滑，配埋爽口嘅明蝦同脆卜卜嘅蟹籽，口感好豐富。個沙律汁酸酸甜甜，好開胃。 刺身拼盤（甜蝦 海膽 吞拿魚 帶子 油甘魚 北極貝） － 呢度嘅刺身出名新鮮，一定要試。個拼盤陣容好豐富，海膽入口甘香，超正；帶子鮮味十足；甜蝦爽口彈牙；油甘魚油分足；北極貝都幾鮮甜。每款都切得幾厚身！ 炸蝦天婦羅 － 上枱熱辣辣，炸漿夠薄唔油膩，入面隻蝦仲好彈牙，點天婦羅汁食一流。 南瓜蕃薯天婦羅 － 呢個係我嘅必嗌！南瓜同蕃薯切得大大嚿，炸完之後外脆內軟，食落好甜，真心推介。 牛肉野菜壽喜燒 － 壽喜燒湯底甜甜哋，好適合用嚟送飯。牛肉份量唔少，仲有冬菇、豆腐、粉絲、菜，一大鍋熱辣辣，好有日本家庭料理嘅感覺。 香芒花之戀壽司 － 呢個係卷物嚟，賣相幾靚。芒果好甜，配埋入面嘅三文魚同沙律醬，食落好清新，唔會太膩。 火炙和牛 － 和牛油脂夠香，輕輕燒過之後，入口軟嫩，油香喺口入面散開，好正。 三文魚腩壽司 － 三文魚腩夠肥美，厚切大大件，食落好滿足。 吞拿魚壽司 － 吞拿魚質素唔錯，新鮮冇腥味，係穩陣之選。 香芒三文魚腐皮 － 腐皮甜甜哋，包住三文魚同芒果，呢個配搭幾有新意，口感好特別。

Car_k 6 個月前

銅鑼灣性價比高餐廳 忘不了的味道👅 金百利廣場一向都有好多好野食，今次食呢間性價比高既築地海鮮餐廳🍣 主打每日新鮮運到刺身、抵食定食丼飯 店員態度積極，餐廳充滿居酒屋氛圍，部分都係卡位，風味十足，價錢親民又好味，二人選擇都算係一個好享受既地方 刺身拼盤 入邊有齊甜蝦、海膽 、吞拿魚、帶子、油甘魚、北極貝，非常推介！每款都相當新鮮，貝類超爽口，海膽又鮮甜，入口即溶，加埋靚靚既擺盤！打卡一流 炸蝦天婦羅 食日本嘢點可以唔食天婦羅 依到既炸蝦天婦羅脆卜卜又彈牙，炸得好香口 下次會再encore! 南瓜蕃薯天婦羅 份量一樣相當多，南瓜蕃薯香甜，炸物香口不油膩，相信係因為炸得火候岩岩好 牛肉野菜壽喜燒 壽喜湯底味道濃郁，牛肉稔香軟彈，肉味非常濃，質素非常高，同甜醬油湯底完美融合 野菜清新爽口，溫泉蛋都非常嫩滑和新鮮，豆腐嫩滑細密，增添口感層次 而且壽喜燒個爐熱力又夠，牛肉份量又足 抵食 餐廳有各式各樣的壽司，我地點了火炙和牛，三文魚腩壽司，吞拿魚壽司等 全部都好新鮮😍厚切三文魚同吞拿魚稔香軟彈，十分肥美，整體足料高質！ 其中我最推介既是香芒花之戀和香芒三文魚腐皮壽司，有別於平常的壽司口感 兩者味道更豐富，魚同芒果配合得好好，香芒三文魚腐皮都好精緻，魚生亦非常新鮮 牛油果明蝦沙律 食完炸嘢，梗係要食返啲甜酸嘢清一清要平衡下 叫左個牛油果明蝦沙律 🥗 蝦肉爽口鮮甜，加埋新鮮既牛油果，非常refreshing 整體來說，食物的質素非常高，用料新鮮，食物的選擇都好多，價錢合理，食完真係覺得有日本築地海鮮的味道👅 築地日本料理 銅鑼灣記利佐治街1號金百利廣場7樓R1室

Kwok Moon 6 個月前

去金百利買嘢，記得上 7 樓 👆 有一間居酒屋風格嘅日本餐廳，真心 唔好錯過 🍣🍶 餐廳提供多款抵食定食同刺身丼飯，價錢親民之餘，刺身亦相當新鮮，店家話係每日新鮮運到！ ✨ 必試菜式推介 ✨ 🥗 牛油果明蝦沙律 牛油果份量好多，食落好有飽肚感，明蝦爽口彈牙，清新開胃。 🐟 刺身拼盤 唔知食乜好？叫拼盤就最啱！ 一次過試齊 甜蝦、海膽、吞拿魚、帶子、油甘魚、北極貝，食完有特別鍾意嘅款式，可以再另外加點～ 🍤 炸蝦天婦羅 外層香脆、入面嫩滑。 🍠 南瓜蕃薯天婦羅 甜度自然，炸漿唔厚。 🍲 牛肉野菜壽喜燒 牛肉份量足，配埋野菜一齊煮，夠晒滿足又好味。 🍣 壽司系列同特色卷物 • 香芒花之戀壽司 • 火炙和牛壽司（油香十足 🔥） • 三文魚腩壽司 • 吞拿魚壽司 • 香芒三文魚腐皮（甜鹹平衡，好受歡迎） 整體嚟講，性價比高、選擇多、味道穩定，無論買嘢前後嚟食一餐都好適合👍