瀧宴日本料理

Rosie Tam 1 個月前

用心的鐵板燒料理，別緻的漂亮飯！ 走進「瀧宴」，光猛明亮的裝修與高空景色已先聲奪人，今次享受$980套餐，每道菜皆見用心。 前菜自家醃菜三款，味道開胃，擺盤夠誠意。 夏季時令刺身四款，刺身厚切無筋，入口鮮甜爽彈，蝦肉緊實、魚脂豐腴，盡顯鮮度。 蟹肉茶碗蒸滑嫩如絲，高湯滲透每一口。 鐵板燒是重頭戲，龍蝦肉質彈牙，南非鮑魚軟韌適中，師傅火候控制精準，兩者皆鎖住原汁，無須過多調味，鹹鮮恰到好處。隨後E本宮崎和牛油脂香濃，入口即化，肉味豐盈。自家製漬物清爽解膩，煙肉香蒜炒飯鑊氣足、粒粒分明，炒什菜翠綠鮮甜，最後甜品輕盈收尾。整體由食材、手藝到擺盤均無懈可擊，每道菜都嚐得到誠意，是不容錯過的夏季盛宴。

Cw Ng 2 個月前

今日喺銅鑼灣發現咗一間高質鐵板燒，就係位於Sugar+26樓嘅瀧宴日本料理，一入到去環境超靚，大大塊落地玻璃睇到出面個景 🩵 同朋友分別叫咗兩款唔同嘅Lunch Special Menu，包括刺身四款、精選壽司、帶子/鮑魚、大虎蝦、鵝肝多士、美國牛肉、炒飯及炒野菜等等，原價$448一位另加一，但依家有激賞八折優惠！真係好抵！🤩 首先刺身好新鮮，食材每日新鮮空運到港，大蝦超級鮮甜！南非鮑魚超大隻，而師傅都好貼心咁切成薄片，方便我哋地食用。👍🏼👍🏼 因為帶子係朋友嘅Set，所以就試唔到了，但賣相好吸引！下次絕對會再尼食返！ 大虎蝦好彈牙爽口，蝦頭燒到好香脆，配上蝦膏超好食。鵝肝油脂味好香濃，配上自家醬汁嘅酸甜味，中和返鵝肝嘅油膩感。美國牛肉好厚身，牛肉香味濃郁，加上脆蒜片相當匹配。最後仲有炒飯同炒野菜，鐵板燒嘅炒飯真係好好食，炒飯粒粒分明，再加上煎蛋，真係又飽又滿足。😋😋

Mike Chan 3 個月前

最近去食瀧宴日本料理銅鑼灣店，可以望到開揚景色同海景，叫左瀧 lunch special menu ($448+10%/p.p.)，最近更加有額外8折優惠，即係埋單3百幾蚊一個人。瀧餐單包括季節前菜、季節刺身4款、野生南非鮑魚、香煎鵝肝伴自家製醬汁、野生大虎蝦、美國牛肉、炒飯、炒雜菜、麵豉湯。季節刺身有4款，當日有拖羅、深海池魚、赤蝦以及金目鯛，每日空運到港所以日日都唔同。野生南非鮑魚以簡單既鹽同牛油調味，鮑魚質感彈牙。下一道菜係香煎鵝肝伴自家制醬汁，鵝肝豐腴，加入左醋既醬汁減低膩感。野生大虎蝦肉質結實，加上海苔粉喺面層。牛肉係美國牛肉，肉質都夠柔軟。鐵板炒飯除左加蛋炒之外面層再加多一隻蛋，蛋黃流心。最後以炒雜菜同海帶麵豉湯作結。

Tung Sum 5 個月前

今日同朋友去咗銅鑼灣「瀧宴」食晏，發現佢哋個午市 Set 幾驚喜！$448 有齊咁多款嘢食，仲要有八折優惠，計落真係好抵食，CP 值極高！ 首先上枱嘅季節前菜同四款刺身夠晒鮮甜，刺身切得厚薄啱啱好，食得出好新鮮，成個人胃口即刻開晒。跟住落嚟就係重頭戲，野生南非鮑魚食落爽口彈牙，完全保留到嗰種鮮味。個人最推介係香煎鵝肝，師傅煎到個皮微脆，入面入口即化，配埋自家製醬汁，陣油脂香喺口入面爆發出嚟，雖然邪惡但真係停唔到口！ 海鮮方面仲有大虎蝦，肉質夠晒實淨。主菜美國牛肉火候亦都掌握得唔錯，肉味濃郁得嚟唔會韌。最後食埋個粒粒分明、夠晒鑊氣嘅鐵板炒飯配味噌湯，真係飽到想行唔郁。 連伴碟嘅炒雜菜都炒得清爽油亮，一啲都唔馬虎。整體嚟講，由海鮮、鵝肝到牛肉樣樣有齊，食材高質，服務亦都好到位，住喺附近或者喺銅鑼灣返工嘅朋友，絕對值得一試，我自己都一定會再回訪！

Min Min 8 個月前

景觀開揚，裝修以木系同和風石紋為主，環境靜中帶雅，餐廳服務好貼心。 午市 set 以「季節」為主題，季節前菜係小巧精緻嘅冷盤，味道清新開胃。 季節刺身，新鮮度一流，魚肉厚切爽口，啖啖肉同時透出海水嘅甘香。 壽司就有兩款，飯香同魚嘅油脂比例啱啱好。 香煎鵝肝伴自家制醬汁真係必讚！鵝肝煎到外脆內冧，一咬就融化喺口中。 野生大虎蝦—蝦肉超彈牙又Juicy，鮮味滲入每一啖，好有層次。 香草牛油帆立貝亦好出色，帆立貝嫩滑鮮甜，配上香草牛油香，口感柔中帶爽。 主菜頂級美國牛肉煎得啱熟，肉質嫩滑又多肉汁，肉香突出，好入味。 鐵板炒飯粒粒分明，配埋海帶味噌湯，好暖胃。