申子居酒屋 Shinko (銅鑼灣店)

sandy2815hk 1 個月前

創意享受之〔申子居酒屋〕 餐廳定期推出創意菜單，每次用餐都有新鮮感。店內裝修風格極具格調，氣氛舒適。更難得的是，食物賣相擺盤、賣相十分吸引，味道都絕不馬虎，每一道菜都能看出廚師功底同心思。 赤身春菊沙律 極上鹽燒牛舌芯 拖羅蓉米紙卷 蓬鬆玉子燒 廣島蠔釜飯 黃金聖衣(雞皮) 整體而言，申子居酒屋絕對係打卡賣相同美味高質之選。最後不得不讚餐廳十分細心，朋友買左細cake慶祝生日，餐廳幫手上台既cake，擺盤絕不馬虎，唔係求其放上隻碟，插枝蠟燭比客人就算，絕對係100分。

Lulu Bubu 1 個月前

今日同朋友去咗銅鑼灣嘅申子居酒屋，呢間鋪頭一直都好高人氣，今次一試，真係實至名歸！成晚嘅體驗除咗食物質素高之外，擺盤亦都非常精緻，絕對係打卡一流👏 ✨蓬松玉子 真係名副其實，舊玉子厚嘟嘟上面仲鋪滿咗沙律醬同埋大阪燒醬，灑上葱花。咬落去超級鬆軟，蛋香味好濃，配埋邪惡嘅醬汁，真係一口接一口，完全停唔到落嚟🤩 ✨申子新卷 呢個卷物賣相真係好精緻，卷物上面鋪滿咗吞拿魚蓉、海膽同埋三文魚籽，再用一絲絲嘅炸洋葱同埋食用花裝飾。吞拿魚蓉好鮮甜，海膽入口即溶，三文魚籽喺口入面爆開，口感層次超豐富，真係視覺同味蕾嘅雙重享受😌 ✨極上鹽燒牛舌芯 牛舌芯燒到表面金黃焦脆，好厚切。咬落去爽口多汁，油脂香四溢。旁邊仲配有檸檬，清新又更加提鮮。 ✨拖羅蓉米紙卷 呢個米紙卷用咗薄薄嘅米紙包裹住吞拿魚蓉、紫蘇葉同埋三文魚籽，上面仲灑滿咗彩色嘅芝麻同埋食用花瓣，賣相好似藝術品咁。食落去口感好清爽，紫蘇葉嘅獨特香氣平衡咗吞拿魚蓉嘅油脂感，三文魚籽亦都帶嚟陣陣鹹鮮。 ✨海膽炒飯 呢碗炒飯真係好豪華！飯上面鋪滿咗海膽同埋大量嘅三文魚籽，仲混入咗炸過嘅櫻花蝦同埋鴻喜菇。炒飯炒得粒粒分明，每一口都食到海膽嘅甘甜、三文魚籽嘅鹹鮮同埋櫻花蝦嘅香脆。雖然已經好飽，但都忍唔住要將佢全部食晒。 總括嚟講，申子居酒屋嘅食物質素好高，擺盤精緻，氣氛亦都好啱同朋友聚會飲兩杯，絕對係物有所值。如果你都想喺銅鑼灣搵一間有質素嘅居酒屋，申子絕對係不二之選👍👍

Wing Yan 2 個月前

呢間銅鑼灣申子居酒屋，朋友真係冇介紹錯！新派日式料理有驚喜，不單止味道正仲擺碟精緻✨會Encore嘅居酒屋～～🥰 🤍極上鹽燒牛舌芯 厚切得嚟超爽口！外層燒到微微焦香，鹽燒恰到好處，配埋旁邊嘅柚子胡椒同檸檬，更突出到牛舌嘅鮮味🐮 🤍牡丹蝦脆脆 創意小食🤤鮮甜黏口嘅牡丹蝦蓉加咗魚子醬及三文魚籽，配埋鱈魚片口感豐富🫶🦐 🤍拖羅蓉脆米餅 賣相精緻～有三文魚籽係最面，中間有入口超綿密嘅拖羅蓉，有油脂感，配埋底層香脆米餅，好食👍🏻🐟 🤍蓬松玉子 金黃色嘅玉子煎得超厚身，表面拉滿日式醬汁同沙律醬，切開入面仲帶點濕潤嫩滑嘅質感！蛋香極之濃郁🥚 🤍海膽炒飯 成碗飯上面堆滿咗蟹籽、三文魚籽同鮮甜嘅海膽，仲有香口嘅櫻花蝦🦐，炒飯乾身香口，拌勻後食每一口都鮮味，真係大滿足🤤 🤍黃金聖衣（雞皮） 炸得超金黃、超香脆！一片片炸雞皮薄到好似薯片咁，雞油香完全唔油膩🐔香脆到會唔停口咁食🥰

Best.foodiebuddy 3 個月前

琴晚同朋友去咗銅鑼灣一間居酒屋，之前已經食過佢哋旺角分店，覺得好滿足，今次試埋銅鑼灣😛兩間分店水準都唔錯 極上鹽燒牛舌芯： 厚切牛舌心，外微焦內多汁彈嫩，鹽燒帶出牛香，配柚子胡椒同檸檬🤤正啊 吉列蔬菜豚肉卷： 豚肉捲住爽口蔬菜炸至金黃酥脆，主打蔬菜平衡油膩，外脆內多汁 申子新卷： 創意壽司卷，飯裹住炸紫菜脆脆，鋪滿拖羅蓉+海膽+三文魚子+蔥，入口脆嫩交織，層次好豐富 拖羅蓉米紙卷： 米紙包住拖羅蓉、淮山、蔥，面頭在鋪上一層魚子，帶魚油香、蔥香、加上淮山口感輕盈無負擔 手作免治雞肉棒&手打墨魚棒 免治雞肉棒帶細粒軟骨，增加咗口感；手打墨魚彈牙帶墨魚香，配蛋黃更有鹹香，啱晒做小食

tsz yan lo 4 個月前

另一間同朋友慶祝冇死嘅餐廳🫪 菜式好多 而且都比較特別 成日有驚喜🤩 極上鹽燒牛舌芯係牛舌界名物🤣 燒得勁完美有少少焦🔥 好厚切而且真係最靚嗰個芯位💕 外層爽脆彈牙但入面可以係腍嘅🥹🙏🏻 油封夢王多士配雞肝醬 係是晚驚喜之一🌟 多士烘到金黃脆身 上面係油封夢王蛋黃🫪 勁橙黃色大大粒 可以spread開佢慢慢食😈 雞肝醬幼滑濃郁 鹹香甘甜 仲有少少魚子醬🐟 海膽炒飯 每次都會嗌🤤 海膽份量唔孤寒 金黃色澤勁吸引🌟 炒飯勁粒粒分明 乾身唔油膩 好欣賞呢點🤩 仲加入咗好多櫻花蝦 三文魚籽 菇同蟹籽 口感滿分‼️