鮨山月 Sushi Yamatsuki

moria Wong 7 個月前

位於銅鑼灣的隱世美食，三周年Lunch優惠僅需$650，套餐內容非常豐富，包括茶碗蒸、10款壽司、卷物、玉子燒、魚湯和甜品。 **茶碗蒸**的口感幼滑，非常細緻，搭配天使蝦和新鮮海苔，鮮甜可口。 每一款的**壽司**都絕對新鮮，鮫鰈、赤貝和海膽等都令人難忘，魚肉鮮嫩滑口，簡直是一場味覺盛宴。尤其是雲丹海膽，入口即化，帶有濃厚的奶香味，回味無窮。 **卷物**的層次分明，每一口都充滿驚喜，還有香甜的 **玉子燒**和清新的魚湯，甜品也是驚艷，開心果雪糕相當解膩。 環境簡約舒適，加上師傅用心製作的每一道佳餚，讓整體用餐體驗非常愉快。

Michelle Wong 8 個月前

最近去咗銅鑼灣「鮨山月」試佢個午市廚師發辦。 一開始係花咲蟹白飯魚鮮海苔茶碗蒸，食落去好滑，面頭有啲蟹肉同白飯魚仔，加埋海苔碎，鮮味幾出 跟住有四款前菜 名石天然真鯛，配奇異果醬同水芹醬。真鯛肉質爽身，個奇異果醬酸酸甜甜，幾醒胃，唔會搶咗魚味。 煙燻春魚，上面有洋蔥醬、同食用花。煙燻味好出，食落幾香口，洋蔥醬帶少少甜，平衡到個燻味。 醬燒帆立貝，燒得剛剛好，面頭有層薄薄嘅燒醬，帶出咗貝嘅鮮甜。夾住海苔一齊食增添脆脆嘅口感。 汁煮八爪魚煮得夠淋，加咗柚子皮，食完有陣清香 壽司有十款，師傅一件件上，節奏幾好： 深海池魚 – 肉質爽脆，魚味清雅，酸味調得恰當。 野生鰤魚 – 脂肪適中，有少少爽口感，魚味比池魚濃少少。 赤貝 – 非常爽脆，鮮甜，夠新鮮。 燒銀鱈魚 – 輕輕燒過，魚油好香，入口即化 甜蝦昆布漬 – 蝦身軟糯，昆布漬過帶出鹹鮮味 秋鮭 – 就係秋天嘅三文魚，脂肪幾靚，夠油潤。 赤身 – 吞拿魚赤身，冇筋，魚味濃。 蝶魚魚邊 – 呢個位油脂豐富，炙燒過迫出魚油，好香口。 拖羅手卷 – 用咗紫菜包住，拖羅蓉份量足，加少少飯，食落好滿足。 最後係海膽三文魚籽丼，鮮味十足 之後係湯，甜品可以揀咖啡或者甜品，好滿足呀

CS Tsang 10 個月前

《鮨山月》～銅鑼灣隱世omakase～ 喜歡這裏的和風環境帶寧靜，開放式吧枱近距離睇師傅即席製作，木系裝潢配柔燈，中午的廚師發辦，精選時令食材，大滿足！ 🔸白飯魚新鮮蟹肉海苔蒸蛋:熱辣辣又暖心的開胃前菜，不錯！ 季節限定： 🔸伊佐目刺身（野生白肉魚）配柚子醋：伊佐目魚肉厚實白嫩，柚子醋酸香醒胃，正！ 🔸煙燻鰆魚刺身配醃製的洋蔥、薑花：鰆魚煙燻好香，魚肉夠滑，醃洋蔥酸脆薑花清新，層次對比豐富！ 🔸醬燒帆立貝：帆立貝外脆內嫩，醬汁甜鹹入味! 🔸鱈魚白子配柚子醋：鱈魚白子真係好滑，柚子醋微酸提鮮，入口即溶！ 🔸壽司10貫：深海池魚鮮甜，赤貝脆彈帶海味，鰤魚油脂細膩，大拖羅入口即溶，三文魚子海膽迷你丼膏多汁濃，炭燒銀鱈魚香脆，胡麻鯖魚香辣，甜蝦昆布漬蝦膏炒香，右口魚嫩滑，蒽油池魚入味，每貫師傅即握熱騰騰，頂級享受！ 🔸吞拿魚蓉卷：滿滿的吞拿魚蓉，好鮮甜！ 特別一提，師傅細心到看出我是慣用左手，特意將壽司擺放在我順手拿取的方向，真的很窩心，最後奉上麵豉湯及甜品開心果雪糕，開心的一餐！

live for food 11 個月前

一直都好期待嘅 omakaseee～今日終於嚟到銅鑼灣呢間高質日料店，午市套餐超豐富，每一道菜都係藝術品咁靚，味道仲令人回味無窮！ 前菜 茶碗蒸し（Steamed Egg Custard） 蟹肉白飯魚蒸蛋，滑溜、鮮味四溢。 -つまみ 4品（四款前菜） 右口魚配柚子酸汁 柚子酸汁清新提味，令魚肉更顯鮮甜； 鰆魚配醬漬洋蔥：魚肉鮮甜，洋蔥微酸，清新醒胃。 凡立貝：超大粒炙燒貝，焦香撲鼻，鮮嫩多汁，好香口！ 鱈魚白籽配酸汁碎蔥：入口即化，冇腥味，清爽得嚟好滑。 🍣 十貫握壽司匯聚海洋精華 深海池魚滑溜清爽；赤貝爽甜彈牙；鰤魚與拖羅入口即化，油脂豐厚。 炭燒銀鱈魚焦香撲鼻；鯖魚棒脆別緻有層次； 秋鮭鮮香滑順；燒右口魚魚邊焦香迷人；池魚緊緻清新。 壓軸三文魚籽配北海道海膽，鮮甜美味爆發，極致享受。 卷物 碎拖羅卷 油脂豐富，滿滿一整支碎拖羅卷，超滿足。 湯品 暖暖地收尾，味道細膩。

yeuk shuen Fung 11 個月前

趁住Weekend去Chill下，今次同屋企人去咗「鮨山月」食Omakase，於木質餐桌前望住廚師手握精緻壽司，非常滿意，整體體驗一流，推廣壽司控必試！ *此餐廳收取全單10%服務費。 Omakase Lunch 壽司10貫套餐（一人$880），茶碗蒸，花咲蟹白飯魚新鮮海苔蒸蛋，口感滑溜，食落鮮味十足。 主菜四品（跟餐$0），右口魚鮫魚配柚子醋，味道清爽；角切赤貝刺身，採用秋田產蓴菜、秋葵、昆布、青瓜點綴，口感更加豐富，味道清新；炙燒帶子，肉質非常厚肉、食落帶有一絲絲口感，已預先使用醬油醃過，然後，微微炙燒，配以紫菜食用，好滿足；炭燒鰆魚配燒洋蔥粒，鰆魚經過炭燒之後，肉質魚皮微脆、魚肉嫩滑，油脂被逼出，配以帶薑味的食用花、小菊食用，可以中和油膩感。 壽司十貫（跟餐$0），深海池魚壽司，食落好新鮮；甜蝦昆布漬壽司，甜蝦切碎之後，加入蝦膏拌匀，再加上昆布醃漬，雙重蝦味享受；炭燒刺身級銀鱈魚壽司，帶有煙燻味道，食落好香口；秋鮭壽司，肉質厚嫩；鯖魚棒壽司，採用昆布包裹住鯖魚、烤洋蔥、白飯，意想不到的配搭；吞拿魚赤身壽司，赤身色澤紅艷，肉質沒有筋位，口感軟嫩；大拖羅吞拿魚腩壽司，色澤粉嫩，脂肪分佈均勻，油脂味濃；池魚壽司，配以蔥薑醬食用，食落有點類似中式蔥油雞的味道；香蔥右口魚鮫魚裙邊壽司，炙燒之後，食落入口即化；三文魚籽海膽蓋飯，海膽份量多，味道鮮甜，自家醃漬三文魚籽食落沒有腥味。 卷物（跟餐$0），吞拿魚蓉手卷，表面鋪滿吞拿魚蓉球，內有吞拿魚蓉、青瓜、日式醃黃蘿蔔，而手卷內吞拿魚蓉、白飯為一比一比例，由頭到尾都充滿吞拿魚蓉。 麵豉湯（跟餐$0），內有剪腳滑子菇、香蔥，味噌醬味道較為輕盈，清淡的湯品可以有助去除油膩感、幫助消化。 前菜（跟餐$0），包括有柚香漬白蘿蔔、甜酸薑片。 甜品（跟餐$0），開心果雪糕，口感幼滑，內有開心果果仁碎末，略嫌奶味稍為蓋過開心果味道。 抹茶（跟餐$0），茶味濃香。