The Grill Room CWB

Ho Katy 2 個月前

📍The Grill Room（銅鑼灣） 最近到訪銅鑼灣的 The Grill Room 晚餐，整體體驗十分滿意。餐廳環境舒適雅緻，燈光柔和，氣氛輕鬆愜意，很適合與朋友聚餐。即使是平日晚市，餐廳依然相當熱鬧，幾乎滿座，可見深受食客歡迎。 今次選擇了 Classic Cuts 體驗，最令人驚喜的是可以無限享用多款精選肉類，包括 Special Cut Wagyu、Angus Roast Beef 以及 Angus Rump Cap Steak。每款牛肉都保持理想熟度，肉質鮮嫩多汁，口感豐富，而且服務員會定時到桌邊供應不同部位，讓人可以慢慢品嚐各種風味。 除了主打肉類之外，前菜表現同樣出色。多款前菜選擇豐富，而南瓜湯尤其令人留下深刻印象。湯底香濃順滑，帶有天然南瓜的清甜味道，口感細膩，非常開胃。 整體而言，無論是食物質素、肉類選擇、環境氣氛還是用餐體驗都令人滿意。特別喜歡無限供應的多款牛肉，每款都各具特色，加上美味的前菜和香濃南瓜湯，絕對是一頓豐富又愉快的晚餐，值得再訪。 #TheGrillRoomHK #HKFoodies #TruffleFries #AllTimeFavorite #FriesForLife #FoodiesHK #銅鑼灣美食 #香港美食 #牛排 #自助餐 #晚餐推薦

Charlie Lau 3 個月前

同朋友去咗銅鑼灣The Grill Room食晚飯，一入到去就被佢時尚得嚟帶點神秘感嘅暗黑系裝潢吸引🪩，加上餐枱精緻嘅花藝擺設🌺，營造出優雅奢華嘅情調，氣氛滿分！ 我哋選揀咗Signature Cuts 套餐（每位$368），可以試曬安格斯牛及和牛🐮；另加$50任飲無酒精飲品🍸！主角肉扒拼盤極之震撼，包含 Wagyu M7 Tri Tip、Wagyu M4 腹肉及牛脊肉等，每款都烤得外焦內嫩，肉質粉嫩多汁，牛味濃郁，配上特製醬汁直入靈魂！🥩 套餐更包括任食配角，驚喜不斷：前菜三部曲非常精緻，有肉丸、炸薯蓉同煙三文魚🐠！熱辣辣嘅自家製麵包配牛油好軟熟；每日精選餐湯同意粉都係任食😆！當晚餐湯係煙肉椰菜花湯🥣，非常creamy 滑溜，而牛肉長通粉濃郁掛汁🍝，都好高質。最正係外脆內軟嘅薯條🍟可以任食，配埋清爽嘅白桃蝶豆花氣泡茶，第一次飲真係好驚喜，出面少見，所以夾埋飲咗三大杯！🤤💯

Sygreentea 3 個月前

steak semi-buffet 銅鑼灣分店，最近做緊任食套餐，同朋友選擇咗signature cuts 可以試不同部位嘅牛肉。 肉質鮮嫩多汁，配上燒汁及鹽和胡椒都好吃！ 餐前小點，薯蓉球脆口、肉丸Juicy，南瓜湯好Creamy。薯條厚身脆口，超級好味！加了個沙律菜都好新鮮！

Sodaaa 3 個月前

The Grill Room最近推出咗任食套餐，$298就食到三款靚牛，仲要無限encore，即刻拉埋鍾意食牛既fd去～🤤 三款牛可以無限追加 🐮安格斯烤牛肉：切得幾薄身，食落軟嫩。 🐮安格斯牛臀蓋 ：炭燒香味突出，外層微微焦脆，越咬越有牛味。 🐮廚師精選和牛：鍾意油香感嘅話一定會愛上，肉質特別嫩滑，脂肪分布均勻！ 餐前小點有，蕃茄肉丸、炸芝士薯蓉、燒牛肉多士，每樣細細件食完好開胃！ 餐湯、薯條、意粉，全部都係無限refill！ 🍄‍🟫蘑菇湯，質地夠杰身，味道濃郁。 🍟薯條，脆卜卜，不過為咗留肚食牛，真係要忍手唔好食咁多 🍅蕃茄和牛長通粉，咬落有嚼勁，和牛粒俾得一啲都唔手軟。 呢個快閃鋸扒之夜，勁滿足～已經諗定下次幾時再嚟encore！😋

agape agape 63486777 5 個月前

一坐低，店員就送上暖笠笠餐湯、法包、薯條.前菜小食簡單又討好。服務到位。環境舒適。又可以見到開放式廚房。 主角係三款五成熟牛肉： //安格斯烤牛肉：外層微焦帶香，咬落去肉汁即刻滲出，厚實又有嚼勁，啖啖牛味。 //安格斯牛臀蓋：油花分佈均勻，口感嫩滑之餘帶少少彈牙，肉香濃郁，食落有層次感。 //廚師精選和牛：質感偏柔軟，入口即化，水潤度高，帶少少甘甜，食落舒服唔膩。 整體感覺係：三款牛肉各有特色，安格斯烤牛肉厚實耐嚼、牛臀蓋香滑有彈性、和牛則柔嫩水潤，互相補足，食到最後都唔覺膩。 服務方面，店員好勤快添水，仲會主動問要唔要加肉，上菜速度快，冇漏單，食得安心又放鬆。加 $150 仲有海鮮拼盤，滿足感再升級。 總結：呢度係一間好溫暖嘅扒房，冇壓迫感，只有誠懇食材同貼心服務。鍾意牛肉又想試唔同口感嘅朋友，呢度真係一個溫柔又滿足嘅選擇。